12.11.2024 | 23:27
Գրետա Թունբերգը ժամանել է Հայաստան
Իսրայելը Գազայի հատվածում հարյուր թիրախ է խոցել՝ ի պատասխան Թել Ավիվի հրթիռակոծման
Քաղաքականություն
15.03.2019 | 15:30
Իսրայելցի զինվորականները գիշերվա ընթացքում շուրջ 100 թիրախ է խոցել Գազայի հատվածում՝ ի պատասխան հինգշաբթի երեկոյան Թել Ավիվի հրթիռակոծման: Այս մասին գրում է ՏԱՍՍ-ը՝ վկայակոչելով Իսրայելի Պաշտպանության բանակի մամուլի ծառայության հաղորդագրությունը:
Իսրայելական բանակում նշել են, որ խոցված օբյեկտների թվում են Հորդանանի Արևմտյան ափին՝ Գազա քաղաքի կենտրոնում ՀԱՄԱՍ-ի կենտրոնակայանի գրասենյակային համալիրը, հրթիռների ստորգետնյա արտադրամաս, մի շարք ռազմական թիրախներ, ռազմական ուսումնական համալիր:
Ավելի վաղ Իսրայելի Պաշտպանության բանակը հաղորդել էր, որ հինգշաբթի լույս ուրբաթ գիշերը Գազայի հատվածի հետ սահմանակից Էշկոլ, Շաար խա-Նեգև և Սդոտ-Նեգև շրջաններում օդային տագնապի ազդանշանները մի քանի անգամ գործարկվել են:
Իսրայելցի զինվորականները հաղորդել են հինգ հրթիռի արձակման և «Երկաթե գմբեթ» հակաօդային պաշտպանության համակարգի կողմից դրանցից երեքը որսալու մասին:
2014 թվականից ի վեր առաջին անգամ օդային տագնապի ազդանշանները գործել են, այսպես կոչված, Մեծ Թել Ավիվի շրջանում: Զինվորականների հաղորդմամբ՝ քաղաքի ուղղությամբ երկու հրթիռ է արձակվել: Միջադեպի հետևանքով տուժածների մասին չի հաղորդվում:
«Գազայի հատվածում և նրա սահմաններին տեղի ունեցածի պատասխանատվությունը կրում է ՀԱՄԱՍ ահաբեկչական կազմակերպությունը: Իսրայելի բանակն այսուհետ ևս պայքարելու է նման ահաբեկչական հարձակումների դեմ»,- հայտարարել են իսրայելցի զինվորականները:
