17.12.2025 | 15:32
Սիրելի երեխաներ, ձեզ 2 պատգամավորի հետ կծանոթացնեմ․ Սիմոնյանը՝ Տ․ Մարգարյանի օգնականի մասին․ ՏԵՍԱՆՅՈՒԹ
Հրաժեշտից առաջ Արմեն Սարգսյանը Սալոմե Զուրաբիշվիլիին հիշեցրել է Թումանյանի խոսքերը․ ՏԵՍԱՆՅՈՒԹ
Քաղաքականություն
14.03.2019 | 19:42
Հանրապետության նախագահ Արմեն Սարգսյանն այսօր հրաժեշտի հանդիպում է ունեցել նախօրեին երկօրյա պաշտոնական այցով Հայաստան ժամանած՝ Վրաստանի նախագահ Սալոմե Զուրաբիշվիլիի հետ: Ինչպես տեղեկացնում են նախագահի աշխատակազմի լրատվական ծառայությունից, առանձնազրույցի ընթացքում երկու երկրների նախագահները, ամփոփելով այցի արդյունքները, համակարծիք են եղել, որ Հայաստանն ու Վրաստանն ունեն բավականաչափ ընդհանուր հետաքրքրություններ, համագործակցության մեծ ներուժ, ինչպես նաև՝ հայ-վրացական բարեկամությունը մշտապես ամրապնդելու մեծ ցանկություն:
Առանձնազրույցից հետո Հանրապետության նախագահի նստավայրում տեղի է ունեցել Վրաստանի նախագահի և նրա գլխավորած պատվիրակության հրաժեշտի հանդիսավոր արարողությունը:
Նշենք, որ հրաժեշտից առաջ Արմեն Սարգսյանը Սալոմե Զուրաբիշվիլիին հիշեցրել է Թումանյանի խոսքերը։
