10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
«Նաիրիտի» վերագործարկման հարցով Կառավարությունում հանդիպում է տեղի ունեցել
Հասարակություն
17.08.2017 | 16:03
ՀՀ Կառավարության դիմաց այսօր կրկին հավաքված էին «Նաիրիտ» գործարանի նախկին աշխատակիցները՝ ակնկալելով որևէ տեղեկություն ստանալ «Նաիրիտը» վերագործարկել ցանկացող հոլդինգի և կառավարության միջև ընթացող բանակցություններից:
«Մենք իրավունք ունենք իմանալու, թե գործընթացն ինչ փուլում է: Ուզում ենք հասկանալ՝ կառավարությունն ինչ ցանկություն և մտադրություն ունի»,- Factor.am-ի հետ զրույցում ասաց «Նաիրիտի» նախկին աշխատակիցների ցույցերը համակարգող խմբի անդամ Կարինե Շահվերդյանը:
Նրա խոսքով՝ Կառավարությունը տարիներ ի վեր ներդրողներին հետ է ուղարկել՝ մեծ ծախսեր թողնելով նրանց վրա: «Մենք հիմա չենք ուզում նույնը կատարվի: Ներդրողը պահանջում է սառեցնել պարտքերը, այսինքն՝ զրոյականով հանձնել իրեն»,- շարունակեց Կարինե Շահվերդյանը:
Հիշեցնենք՝ «Նաիրիտով» հետաքրքրվում են «Եվրոպա-Ասիա բիզնես ֆինանսական կենտրոն» հոլդինգի ներկայացուցիչները, որի անդամները տարբեր երկրների՝ Անգլիա, Ռուսաստան, Իրան, Բուլղարիա գործարարներ են: Վարչապետի մամուլի խոսնակ Արամ Արարատյանը մեզ հետ զրույցում հայտնեց, որ մոտ տասը օր առաջ «Նաիրիտը» վերագործարկել ցանկացող ընկերության ներկայացուցիչների հետ հանդիպել է փոխվարչապետ Վաչե Գաբրիելյանը:
«Դրանից հետո հանդիպե՞լ են, թե՞ չէ և ինչ զարգացումներ են եղել, այս պահին չեմ կարող ասել»,- նշեց վարչապետի մամուլի խոսնակը:
Մանրամասները՝ տեսանյութում:
Շողիկ Գալստյան
