03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Հետևանքները կլինեն ծանր, եթե Թուրքիան չչեղարկի S-400-ների պայմանագիրը». Պենտագոն
Քաղաքականություն
05.03.2019 | 14:47
ԱՄՆ-ն շարունակում է կոչ անել Թուրքիային հրաժարվել ռուսական «S-400» զենիթահրթիռային ՀՕՊ համակարգերը գնելու մտադրությունից։ Պենտագոնի խոսնակ Էրիկ Փեհոնը զգուշացրել է, որ եթե Թուրքիան չչեղարկի Ռուսաստանի հետ կնքած «S-400»-ի վերաբերյալ պայմանագիրը, ապա Անկարայի համար հետևանքները ծանր կլինեն. գրում է ermenihaber-ը:
«Մենք ըմբռնումով ենք մոտենում, որ Թուրքիան ցանկանում է ամրապնդել իր օդային պաշտպանությունը, սակայն S-400-ների գնումը ծանր հետևանքներ կունենան ԱՄՆ-ի ու Թուրքիայի միջև առկա ռազմական համագործակցության համար»:
Փեհոնը նաև հավելել է, որ այդ ամենից խուսափելու համար ամերիկյան կողմը Թուրքիայի հետ քննարկում է, թե բացի S-400-ներից այլընտրանքային ինչ տարբերակներ կան։
Նա զգուշացրել է, որ խոշոր զինատեսակներ ձեռք բերելու ժամանակ կարևոր է հաշվի առնել, թե դրանք ինչպես կարող են ինտեգրվել ՆԱՏՕ-ի ընդհանուր համակարգի մեջ։
