16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
ՊԵԿ-ում բացառապես ծանոթ ունենալն է արժանիք՝ աշխատանքի տեղավորելիս․ պատգամավոր. ՏԵՍԱՆՅՈՒԹ
Քաղաքականություն
13.02.2019 | 17:35
Ազգային ժողովի «Լուսավոր Հայաստան» խմբակցության պատգամավոր Սրբուհի Գրիգորյանը պնդում է՝ Սիսիանից չի եկել հասել այստեղ, որ անհիմն քննադատություններ հնչեցնի Կառավարության գործունեության մասին, պնդում է՝ երբեք ծափ չի տալու իշխանություններին, բայց ուզում է, որ նա լավ աշխատի։
Անդրադառնալով ԱԺ-ում ներկայացվող ծրագրին՝ պատգամավորն առանձնացրեց մի քանի կետ ու նշեց, որ ծրագրում ոչ մի խոսք չկա սահմանամերձ շրջանների ուժեղացման մասին։ Եթե նման բան չկա, շարունակվելու է ներգաղթը Երևան։
«Ասվում է՝ պետական ծառայության համակարգում արժանիքների հիման վրա աշխատանքի ընդունման ապահովում, բայց չեք ասում՝ ի՞նչ բան է արժանիք։ Արժանիք կարող է լինել ծանոթ ունենալը։ Ի դեպ՝ զանգ ստացա Սյունիքից, որ ՊԵԿ-ում բացառապես ծանոթ ունենալն է արժանիք, աշխատանքի ընդունելիս ոչ ռեզյումեն, ոչ մի բանը հաշվի չեն առնում։ Աղքատության հետ կապված ասում եք՝ պետք է տեղավորենք աշխատանքի, բայց արդյոք աղքատ չէ 40 հազար դրամ ստացող նախակրթարանի աշխատակիցը, կամ ուսուցիչը կամ 5000 դրամ ստացող ասիստենտը․ չեմ կարծում, որ դա իրենց մեջի խեղճությունից է»։
Մանրամասները՝ տեսանյութում։
Աղավնի Սուքիասյան
