Հասարակություն
12.02.2019 | 15:04«Եթե ասում եք մարդ կա տան պայմանները շատ վատն են, ես էլ ասում եմ, որ մարդ կա դա էլ չունի։ Ո՞նց անենք, հարգելի ավագանու անդամներ, ասեք ո՞նց վարվենք։ Բայց նաև հասկանանք քաղաքապետարանի ֆունկցիան այս ամենում ո՞րն է, ի՞նչն է մեր լիազորությունների շրջանակում, ի՞նչը՝ ոչ»,- արձագանքելով ավագանու անդամների բարձրացրած հարցին, թե Երևանի կենտրոնում մի ընտանիք շատ վատ պայմաններում է ապրում, ասաց Հայկ Մարությանը։
Քաղաքապետն ասաց, որ իր սիրտն էլ է ցավում անտուն քաղաքացիների համար, բայց բոլորի հարցը լուծելու համար քաղաքապետարանին տրամադրվող գումարը մի քանի անգամ ավելի պիտի լինի․ «Եթե մեր ֆունկցիան բնակարաններ տրամադրելն է, ուրեմն մեր մոտ 20 միլիարդ բյուջեն պիտի լինի 200 միլիարդ։ Քսան միլիարդով հազիվ փոսերն ենք լցնում, աղբահանությունն ենք անում, մյուսը, մյուսը։ Ես ամեն անգամ, երբ այդ մարդկանց տեսնում եմ, չգիտեմ՝ ինչ ասեմ, երբ օրենք եմ ցիտում ստացվում է, որ մերժում եմ, բայց իմ լիազորությունների մեջ էլ չէ դա լուծելու»։
Մանրամասները՝ տեսանյութում։
Լիլիթ Շաբոյան
