02.07.2026 | 23:02
Կառավարությունը հաստատել է ջերմատնային տնտեսությունների վարկերի տոկոսադրույքների սուբսիդավորման ծրագիրը
Պաշտպանական ոլորտում Կիպրոսի հետ կհամագործակցենք ևս երկու ուղղությամբ․ Դավիթ Տոնոյանը մանրամասնում է. ՏԵՍԱՆՅՈՒԹ
Քաղաքականություն
12.02.2019 | 12:12
Հայաստանն ու Կիպրոսը պաշտպանական ոլորտում կհամագործակցեն ևս երկու ուղղություններով: Փետրվարի 12-ին Կիպրոսի պաշտպանության նախարար Սավաս Անգելիդիսի հետ համատեղ ասուլիսում տեղեկացրեց ՀՀ պաշտպանության նախարար Դավիթ Տոնոյանը:
Նախարարի խոսքով՝ համագործակցության 13 ուղղություններին ավելացել են նաև ռազմական ոլորտում տվյալների փոխանակման և ժամկետային պարտադիր զինծառայության կազմակերպման ուղղությունները:
«Կհամագործակցենք պարտադիր ժամկետային զինծառայության կազմակերպման և տեղեկատվության փոխանակման ոլորտում, այսինքն՝ ռազմական հետախուզության, ռազմական տվյալների փոխանակում՝ կապված Մերձավոր Արևելքում բավականին լուրջ իրադարձությունների հետ»,- նշեց նախարարը՝ հավելելով, որ կիպրացի գործընկերոջը ներկայացրել է Սիրիայում հայկական հումանիտար գործողության բոլոր մանրամասները:
Դավիթ Տոնոյանի տեղեկացմամբ՝ Հայաստանն ու Կիպրոսը կհամագործակցեն նաև համատեղ վարժանքների, ռազմական արդյունաբերության, ռազմատեխնիկական համագործակցության և շատ այլ ոլորտներում:
Ի դեպ՝ Կիպրոսի պաշտպանության նախարարի պաշտոնում նշանակվելուց հետո սա Սավաս Անգելիդիսի առաջին պաշտոնական այցն է:
Մանրամասները՝ տեսանյութում:
