03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Կառավարությունն առաջարկում է սահմանափակել արտաբյուջետային հաշիվներ ունենալու հնարավորությունը. ՏԵՍԱՆՅՈՒԹ
Տնտեսություն
31.01.2019 | 11:40
Կառավարությունն առաջարկում է սահմանափակել պետական և տեղական ինքնակառավարման մարմինների՝ արտաբյուջետային հաշիվներ ունենալու հնարավորությունը և սահմանում, որ այդ հաշիվներում առկա և հավաքագրվող դրամական միջոցները կուղղվեն համապատասխան բյուջեներ: Միաժամանակ, կապահովվի դրանց հետագա բաշխումն անհրաժեշտ ուղղություններով՝ ըստ անհրաժեշտության, հիմնավորվածության և առաջնահերթության: Համապատասխան որոշման նախագիծն ընդգրկված էր ՀՀ կառավարության հունվարի 31-ի նիստի օրակարգում։
Ըստ առաջարկի հիմնավորման՝ այս քայլով կապահովվի հանրային միջոցների այնպիսի բաշխման համակարգ, որը կերաշխավորի՝ մի կողմից տնտեսության զարգացման, մյուս կողմից՝ պետության անվտանգության ու հասարակության սոցիալական կարիքների հավասարակշռված իրականացման նախադրյալների ապահովումը:
ՀՀ ֆինանասների նախարար Ատոմ Ջանջուղազյանը, սակայն, գործադիրին առաջարկեց այսօրվա նիստի օրակարգից հանել այս հարցը, քանի որ նախագիծն այն տեսքով չէ, որը ներկայացրել է ՀՀ ֆինանսների նախարարությունը: Բացի այդ՝ կոմիտեների նիստում առաջարկություններն ամբողջությամբ չեն քննարկվել։
Նիստը վարող փոխվարչապետ Տիգրան Ավինյանը դեմ չէր նախագիծն օրակարգից հանելուն. գործադիրի անդամները պայմանավորվեցին այն քվեարկության դնել, երբ ամբողջական փաթեթով քննարկվի կոմիտեների նիստում:
Մանրամասները՝ տեսանյութում
Աղավնի Սուքիասյան
