16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ինչո՞ւ է ՊԵԿ նախագահը հրավիրվել ԱԺ «Իմ քայլը» խմբակցություն․ մանրամասնում է Լիլիթ Մակունցը. ՏԵՍԱՆՅՈՒԹ
Քաղաքականություն
29.01.2019 | 17:40
«Իմ Քայլը» խմբակցության դռնփակ նիստի ժամանակ քննարկվել են ՊԵԿ-ում տեղի ունեցած պարգևավճարներին առնչվող հարցեր։
Այս մասին այսօր լրագրողների հետ զրույցում հայտնեց խմբակցության ղեկավար Լիլիթ Մակունցը։
«Խմբակցության ներսում աշխատանքային քննարկում էր։ Նպատակահարմար գտանք, որ քննարկումն անենք հենց Դավիթ Անանյանի հետ։ Ընդունում ենք, որ կա խնդիր և այն հասկանալու համար բազմակողմանի ուսումնասիրություններ են պետք»,- նշեց Լիլիթ Մակունցը։
Մակունցի խոսքով՝ քննարկումների արդյունքում տեղեկատվության համապատասխան փաթեթ ունենալու դեպքում համապատասխան առաջարկներով հանդես կգան։
«Իմ Քայլը» խմբակցության ղեկավարը նաև նշեց, որ ՊԵԿ նախագահին քննարկման հրավիրելը իրավական հիմնավորում ունի։
«Ցանկացած խմբակցություն իրավունք ունի որևէ գերատեսչության ղեկավարի կամ ներկայացուցչի քննարկման հրավիրել։ Սա պարզապես քննարկում էր, և Դավիթ Անանյանը միակը չէ, որ քննարկման է հրավիրվում»,- ընդգծեց Մակունցը։
Մանրամասները՝ տեսանյութում։
Նելլի Մելքոնյան
