03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Տատիկի գրկից ընկած 2-ամյա երեխան արդեն խաղում է, շփվում ծնողների հետ
04.08.2017 | 16:16
Երևանում հուլիսի 27-ին շենքի 2-րդ հարկի պատշգամբից ընկած 2 տարեկան տղայի առողջական վիճակը գնահատվում է նորմալ, փոքրիկին արդեն տեղափոխել են նյարդավիրաբուժական բաժին: Այս մասին Factor.am-ին հայտնեց Երևանի «Սուրբ Աստվածամայր» բժշկական կենտրոնի վերակենդանացման բաժանմունքի վարիչ Աննա Չոբանյանը:
«Նյարդավիրաբուժական բաժնում երեխան գուցե 7-10 օր մնա, նրան երեկ ենք այնտեղ տեղափոխել»,- մեզ հետ զրույցում հայտնեց Աննա Չոբանյանը:
Հիշեցնենք՝ հուլիսի 27-ին արտակարգ դեպք է տեղի ունեցել Երևանում: Ժամը 14:40-ի սահմաններում «Սուրբ Աստվածամայր» բժշկական կենտրոնից Ոստիկանության Երևան քաղաքի վարչության օպերատիվ կառավարման կենտրոն հայտնել են, որ «պոլիտրավմա» ախտորոշմամբ իրենց մոտ է տեղափոխվել մի երեխա: Փոքրիկը հիվանդանոց է տեղափոխվել Ավան վարչական շրջանի Ծարավ աղբյուր փողոցի տներից մեկից: Պարզվել է, որ նշված տան 2-րդ հարկի պատշգամբի մոտ երեխայի՝ 2-ամյա է. Շ-ի տատիկը՝ 54-ամյա Ա. Ս.-ն, օրորելու ժամանակ երեխային գրկից անզգուշաբար պատշգամբից գցել է:
«Ինչպես խոսել է մինչ բալկոնից ընկնելը, այդպես խոսում է արդեն, խաղում է ծնողներին ճանաչում է, շփվում նրանց հետ»,- պատմեց «Սուրբ Աստվածամայր» բժշկական կենտրոնի վերակենդանացման բաժանմունքի վարիչը:
Ինչ վերաբերում է հարցին, թե տատիկը տեսել է թոռանը, ինչպես է իրեն զգում, Աննա Չոբանյանը պատասխանեց. «Պարզ է, որ դեպքը պատահականություն է եղել, ծանր վիճակում է շատ: Ինչ վերաբերում է տեսակցությանը, ապա մեր բաժնում ներս չի մտել, միայն սկզբում է եղել, հիմա տեղափոխելուց հետո տեղյակ չեմ»:
Շողիկ Գալստյան
