08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Հայաստանում նոր էլեկտրակայան կկառուցվի. 250 մլն դոլարի ներդրում է նախատեսվում. ՏԵՍԱՆՅՈՒԹ
Տնտեսություն
17.01.2019 | 12:41
Հայաստանում 250 ՄՎտ հզորությամբ նոր էլեկտրակայան կկառուցվի: Գործադիրը հունվարի 17-ի նիստում հավանություն տվեց ՀՀ կառավարության, «Արմփաուեր» և «Ռենկո» ընկերությունների միջև կնքված Շրջանակային համաձայնագրին:
Հարցը ներկայացրեց ՀՀ արդարադատության նախարարի պաշտոնակատար Արտակ Զեյնալյանը, նշեց, որ պայմանագրի ստորագրումից հետո ֆինանսավորումը հասանելի կդառնա կառուցապատողին, որը կսկսի 250 ՄՎտ հզորությամբ ջերմային էլեկտրակայանի (ՋԷԿ) շինարարությունը:
Էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանն էլ վստահեցրեց, որ պայմանագրով Հայաստանի շահերը պաշտպանված են: Նրա խոսքով՝ 20-25 տարվա կտրվածքով պետությունը շուրջ 160 մլն դոլար կշահի:
«Աշխատանքներն սկսելուն պես կստեղծվի շուրջ 1200 աշխատատեղ: Երբ կայանը պատրաստ լինի, ևւս 230-250 աշխատատեղ կբացվի՝ բավական բարձր աշխատավարձով»,- հավելեց նախարարի պաշտոնակատարը:
Նշենք, որ ծրագրի իրականացման շրջանակում 250 մլն դոլար կներդրվի: Նախատեսվում է էլեկտրակայանի շինարարությունն ավարտին հասցնել 26 ամսում: Մանրամասները՝ տեսանյութում
