Քաղաքականություն
03.08.2017 | 13:49
Մոլդովայի նախագահ Իգոր Դոդոնը հայտարարել է, որ նախկինի պես մտադիր է Թեհրանում հանդիպում ունենալ Ռուսաստանի փոխվարչապետ Դմիտրի Ռոգոզինի հետ, ով Մոլդովայում անցանկալի անձ է հայտարարվել, գրում է ria.ru-ն:
Դոդոնը հուլիսի 29-ին հայտարարել է, որ օգոստոսի 5-ին պատրաստվում է հանդիպել Ռոգոզինի հետ Թեհրանում, որտեղ կայանալու է նախագահ Հասան Ռոուհանիի երդմնակալության արարողությունը: Օգոստոսի 2-ին Մոլդովայի կառավարությունը Ռուսաստանի փոխվարչապետին «պերսոնա նոն գրատա» է հայտարարել:
Ֆոյսբուքյան իր գրառման մեջ նա նաև նշել է, որ աղոթելիս հիշել է Գերմանիայի նախկին կանցլեր Օտտո Բիսմարկի խոսքերը. «Հույս մի ունեցեք, որ մի անգամ օգտվելով Ռուսաստանի թուլությունից՝ դուք մշտապես դիվիդենտներ եք ստանալու: Ռուսները միշտ գալիս են իրենց փողերի հետևից: Եվ երբ նրանք գան՝ հույս մի դրեք ձեր ստորագրած ճիզվիտական համաձայնագրերի վրա, որոնք իբր ձեզ արդարացնում են: Դրանք չարժեն այն փողը, որի վրա գրված են: Այդ պատճառով ռուսների հետ արժե կամ խաղալ ազնիվ, կամ ընդհանրապես չխաղալ»:
«Կարծում եմ, որ նրանք, ովքեր վերահսկում են Քիշնևի ներկայիս կառավարությունը, այդ մասին մոռացել են ու ակնհայտորեն խաղի մեջ չափն անցել են»,- հավելել է Դոդոնը:
Նշենք, որ Ռոգոզինը և Դոդոնը պետք է հանդիպեին Մոլդովայում անցած շաբաթ: Բայց ռումինական իշխանություններն ինքնաթիռում «պատժամիջոցների տակ գտնվող անձի» առկայության պատրվակով թույլ չէին տվել ռուսական պատվիրակության ինքնաթիռին հատել իրենց օդային սահմանը: Դրանից հետո Ռոգոզինը վերադարձել էր Մոսկվա, իսկ հանդիպումը որոշվել էր տեղափոխել Թեհրան:
