11.09.2026 | 13:39
ԱԺ նախագահ Ռուբեն Ռուբինյանն ընդունել է Հայաստանում Բուլղարիայի դեսպանին
Ռոբերտ Քոչարյանի գործով դատական նիստը կվերսկսի վաղը․ ՏԵՍԱՆՅՈՒԹ
Հասարակություն
15.01.2019 | 19:19
Երևանի ընդհանուր իրավասության դատարանի Կենտրոնի նստավայրում Ռոբերտ Քոչարյանի գործով հունվարի 15-ին կայացած նիստում առաջինը քննարկվեց ՀՔԾ-ի միջնորդությունը կալանքը ևս երկու ամսով երկարացնելու վերաբերյալ:
Քոչարյանի պաշտապանների միջնորդությունը գրավով ազատելու վերաբերյալ քննարկվի վաղը՝ հունվարի 16-ին ժամը 11:00-ից մեկնարկելիք դատական նիստում:
Հիշեցնենք, որ Ռոբերտ Քոչարյանը կալանավորվեց 2018թ. դեկտեմբերի 7-ին, երբ Վերաքննիչ դատարանն անփոփոխ թողեց նախկին նախագահին կալանավորելու մասին առաջին ատյանի դատարանի որոշումը: Պաշտպանները վճռաբեկ բողոք են ներկայացրել: Վճռաբեկ դատարանը երեք ամսվա ընթացքում պետք է որոշում կայացնի բողոքը վարույթ ընդունել-չընդունելու մասին, իսկ մինչ այդ՝ նաև գրավի դիմաց ազատ արձակելու միջնորդություն է ներկայացվել:
Երևանի ընդհանուր իրավասության դատարանը Ռոբերտ Քոչարյանի նկատմամբ կալանքը որպես խափանման միջոց ընտրել էր հուլիսի 27-ին: Օգոստոսի 13-ին, սակայն, Վերաքննիչ դատարանը վերացրել էր առաջին ատյանի դատարանի այդ որոշումը՝ Սահմանադրությամբ նախագահին տրված անձեռնմխելիության հիմքով: Նոյեմբերի 15-ին Վճռաբեկ դատարանը գործն ուղարկել էր վերաքննիչ ատյան՝ նոր քննության, որի արդյունքում երկրորդ նախագահը կրկին կալանավորվել է:
Ռոբերտ Քոչարյանը «Մարտ 1»-ի գործով մեղադրվում է երկրում սահմանադրական կարգը տապալելու մեջ։
Լիլիթ Շաբոյան
