18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱԺ ընդդիմադիր փոխխոսնակի թեկնածու Վահե Էնֆիաջյանը հայտնվեց ամենասուր հարցերի թիրախում․ ՏԵՍԱՆՅՈՒԹ
Քաղաքականություն
14.01.2019 | 16:48
Ազգային ժողովի ընդդիմադիր խոսնակի պաշտոնի համար «Բարգավաճ Հայաստան» խմբակցությունն առաջադրեց խմբակցության պատգամավոր Վահե Էնֆիաջյանի թեկնածությունը, որին բաժին հասան նորընտիր պատգամավորների ամենասուր հարցերը, ինչպիսիք չհնչեցին ԱԺ նախորդ երկու փոխնախագահների և ԱԺ նախագահի թեկնածությունների ներկայացման ժամանակ։
Նախ ԱԺ «Իմ քայլը» խմբակցության պատգամավոր Թագուհի Ղազարյանը փոխխոսնակի թեկնածուին հիշեցրեց սեպտեմբերի 23-ին մամուլի ակումբներից մեկում տեղի ունեցած միջադեպը, երբ Վահե Էնֆիաջյանն իր կողմնակիցների հետ մուտք էր գործել մամուլի ակումբ և ընդհատել ասուլիսը։
«Արդյոք Ձեր հասցեին ոչ այնքան ականջահաճո տեքստեր լսելուց հետո ևս պատրաստվո՞ւմ եք նման միջամտություններ անել, թե՞ կնախընտրեք ավելի քաղաքակիրթ տարբերակների դիմել»,- հետաքրքրվեց նորընտիր պատգամավորը։
Հարցին ի պատասխան՝ Վահե Էնֆիաջյանը նշեց, որ ինքն ու իր գործընկերները ստիպված են եղել գնալ նման միջամտության, քանի որ ՀՀ-ում լռության օրը հակաքարոզչություն է իրականացվել։
ԱԺ ընդդիմադիր փոխխոսնակի թեկնածուին հարց ուղղող հաջորդ պատգամավորը «Իմ քայլը» խմբակցության պատգամավորը Սարգիս Խանդանյանն էր։
«Խորհրդարանական ընտրություններից մի քանի օր հետո մամուլում շրջանառվեց տեղեկություն, որ մի խումբ մարդիկ կեղծ օգտահաշիվների միջոցով փորձել են ազդեցություն ունենալ հանրային կարծիքի վրա և ուղղորդել այն, նշվում է, որ այս գործընթացը համակարգվել է Ձեր և Ձեր գործընկերների կողմից»,- նկատեց Խանդանյանը։
Մանրամասները՝ տեսանյութում։
