16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Սահմանադրությունը փոխելու ստորագրահավաք է սկսվել, ՕԵԿ նախկին պատգամավորը քաղաքական ուժերին հրավիրում է համագործակցության
Քաղաքականություն
11.01.2019 | 14:56
«Օրինաց երկիր» կուսակցությունից նախկին պատգամավոր, «Փոխենք միասին» նախաձեռնողական խմբի անդամ Հովհաննես Մարգարյանն առաջարկում է փոխել գործող Սահմանադրությունը, քանի որ այն հինգ տարով ՀՀ քաղաքացիներին զրկում է քաղաքական կյանքին մասնակցելու իրենց իրավունքից։
Այս մասին այսօր հրավիրված մամուլի ասուլիսի ժամանակ ասաց Մարգարյանը՝ հավելելով, որ այս Սահմանադրության հետևանքով է, որ քաղաքացիները մինչև հաջորդ ընտրություն որևէ կերպ չեն կարող ազդել քաղաքական գործընթացների վրա։
«Սուպերնախագահական մոդելը փոխարինվեց սուպերվարչապետականով: Հարկավոր է սահմանադրական բարեփոխումներ անցկացնել և վերադարձնել այն դրույթները, որոնցով պետության ղեկավարը անվտանգության, տարածքային ամբողջականության և անկախության երաշխավորն է, ինչն այժմ Սահմանադրությունում չկա: Բացի այդ, անհրաժեշտ է դրույթ մտցնել, որը թույլ կտա երկրի ղեկավարին հետ կանչելու մեխանիզմներ ստեղծել», – ասաց նա՝ շեշտելով, որ դրա համար պետք է 45 օրում 200 հազար ստորագրություն հավաքել:
Հրանտ Մարգարյանը նշեց, սակայն, որ այդքան օրում հնարավոր չէ այդ քանակի ստորագրություն հավաքել, և այդ ժամկետներն անտրամաբանական են։
«Օրենքի փոփոխութուն է անհրաժեշտ և հարկավոր է նույն ժամանակահատվածում 50 հազար ստորագրություն հավաքել: Մեր խումբը պատրաստվում է ստորագրությունները հավաքելու գործընթացը սկսել», – ասաց նա՝ ընդգծելով, որ այդ հարցում պատրաստ են համագործակցել խնդրով հետաքրքրվող քաղաքական ուժերի հետ։
