30.03.2026 | 16:12
Ընտրակաշառք են տվել՝ աշխատավարձի տեսքով․ ըստ ՀԿԿ-ի՝ «Ուժեղ Հայաստան» կուսակցության օգտին քվեարկելու համար ․ ՏԵՍԱՆՅՈՒԹ
ԵՊՀ-ի գործը գնալու է դատարան, վստահեցնում եմ․ Դավիթ Սանասարյան․ ՏԵՍԱՆՅՈՒԹ
Տնտեսություն
11.01.2019 | 13:51
«Պետական վերահսկողական ծառայությունը չի ուսումնասիրել Երևանի պետական համալսարանի Իջևանի մասնաճյուղում կամ հանգստյան տներում գնման գործընթացները, քանի որ դրա համար ժամանակ և ռեսուրս չունենք։ Այնպես որ, երբ խոսում են ԵՊՀ-ի վարկանիշի մասին, թե մենք մեր գործունեությամբ այդ վարկանիշը վտանգի տակ ենք դնում, ապա պետք է ասեմ, որ թույլ չենք տա, որ վճարված ամեն մի լումայի հաշվին այդ վարկանիշը վտանգվի։ ԵՊՀ-ի գործը գնալու է դատարան, վստահեցնում եմ, իսկ Արամ Սիմոնյանի հետ որևէ խնդիր չունեմ, ու երբ նա ասում է, որ ամբողջ Հայաստանին իրավաբաններ են մատակարարում, ապա պետք է ասեմ, որ հենց այդ իրավաբաններն են այդ խախտումները բացահայտել»,- այսօր հրավիրված մամուլի ասուլիսի ժամանակ ասաց Պետական վերահսկողական ծառայության պետ Դավիթ Սանասարյանը։
Դիտարկմանը, որ իրեն էլ պատրաստվում է դատի տալ ԵՊՀ ռեկտոր Արամ Սիմոնյանը՝ իր բարի համբավն արատավորելու համար, Սանասարյանը պատասխանեց․ «Թող դատի տա ու վիճարկի ուսումնասիրությունների արդյունքները»։
Հիշեցնենք, որ օրեր առաջ ԵՊՀ ռեկտոր Արամ Սիմոնյանը հրավիրված մամուլի ասուլիսի ժամանակ ասել էր, որ դիմելու են համապատասխան իրավական գնահատականի պահանջով և դատի են տալու «Վերահսկողական ծառայության և նրա ղեկավարի հայտարարություններից բխող հետևանքների պատճառով մեզ հասցված վնասները փոխհատուցելու, մեր բարի համբավը վերականգնելու համար»։
Նշենք, որ Վերահսկողական ծառայության պետ Դավիթ Սանասարյանը հայտարարել է, որ ԵՊՀ-ում ուսումնասիրությունների արդյունքում բացահայտվել է 800 միլիոն դրամի չարաշահումներ։
Մանրամասները՝ տեսանյութում։
