09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Մինչև 2020 թ. մեքենաների ներկրման մեծ ծավալները կպահպանվեն, իսկ հետո շեղակի կնվազեն. ՊԵԿ նախագահ. ՏԵՍԱՆՅՈՒԹ
Տնտեսություն
10.01.2019 | 12:55
«Մինչև 2020 թվականը մեքենաների ներկրման մեծ ծավալները կպահպանվեն, իսկ հետո շեղակի կնվազեն, որովհետև այն բացառությունները, որոնք մենք սահմանել էինք ԵՏՄ մուտք գործելու ժամանակ՝ էլ չեն գործի․ այսուհետ կգործեն ԵՏՄ կանոնները և ոչ թե հայաստանյան ներպետական օրենսդրությամբ սահմանված կանոնները»,- այսօր Կառավարության նիստի ավարտից հետո լրագրողների հետ ճեպազրույցում ասաց ՊԵԿ նախագահ Դավիթ Անանյանը՝ անդրադառնալով հաշիչ ապրանքագրերով մաքսազերծման գործընթացում կատարված նոր փոփոխություններին։
«Մենք մեր կայքում մի գործիք ենք ներդրել, որով ցանկացած անձ կարող է հաշվել մաքսազերծվող մեքենայի կողմնորոշիչ գինը, որին պետք է համահունչ լինեն հաշվիչ ապրանքագրերով ներկրվող մեքենաները։ Այն դեպքում, երբ մաքսազերծվող մեքենայի հաշիչ ապրանքագրի ու կողմնորոշիչ գնի միջև լինի շեղում, այն ժամանակ կիրականացվի շատ ավելի խորը ուսումնասիրություն․ հարցումների միջոցով պարզելու ենք արդյոք հաշիչ ապրանքագիրն իրակա՞ն է, թե՝ ոչ»,- ասաց ՊԵԿ նախագահը։
Լրագրողները Դավիթ Անանյանից հետաքրքրվեցին նաև ՀԴՄ թանկ սարքերի մասին։ Հարցի վերաբերյալ Անանյանը նկատեց․ «Սոցիալական կայքերում գրում են, որ նույն հսկիչ դրամարկղային մեքենան, օրինակ, Արաբական Միացյալ Էմիրություններում արժի 50-ից 60 դոլար: Ես ուզում եմ, որ մենք ազնիվ լինենք և համադրությունն անենք համադրելի երևույթների միջև: Նոր սերնդի ՀԴՄ-ն սա է՝ մենք կիրառում ենք մի մեքենա, որի նկատմամբ տեխնիկական պահանջներ են սահմանվել: Ցանկացած մեքենա, որը տեխնիկական պահանջներին բավարարում է, կարող է բերվել, միանալ համակարգին ու գործարկվել: Չկա պահանջ, որ պետք է ձեռք բերել միայն ՊՈԱԿ-ի ՀԴՄ-ները։ ՀԴՄ ինքնարժեքը 158.000 դրամ է, վաճառքի գինը՝ 160.000 դրամ է: Տրված է հնարավորություն մինչև 2 տարի տարաժամկետ վճարման գրաֆիկով վճարել սարքի դիմաց»,- ասաց նա:
Մանրամասները՝ տեսանյութում։
