11.09.2026 | 12:23
Մի երկրում որ Լիսկան լինի դոկտոր-պրոֆեսոր, Ծառուկյանը՝ դասագրքի հեղինակ, բա ի՞նչ եք ուզում․ Փաշինյան. ՏԵՍԱՆՅՈՒԹ
Ռոբերտ Քոչարյանը վաղվա դատական նիստին չի մասնակցի
Հասարակություն
08.01.2019 | 16:57
Վաղը՝ ժամը 14․00-ին, Երևան քաղաքի ընդհանուր իրավասության դատարանի Շենգավիթի նստավայրում կկայանա Հայաստանի երկրորդ նախագահ Ռոբերտ Քոչարյանի գործով դատական նիստը։
Պաշտպաններից Factor.am-ը տեղեկացավ, որ Ռոբերտ Քոչարյանը նիստին չի մասնակցի։ Պատճառն այն է, որ նիստը տևելու է շատ կարճ և նրա մասնակցությունը փաստաբանները նպատակահարմար չեն գտել։
Պաշտոնաթող նախագահի պաշտպան Հովհաննես Խուդոյանից հետաքրքրվեցինք՝ ի՞նչ են ակնկալում դատարանից, նա չբացառեց, որ դատարանը կբավարարի իրենց միջնորդությունը։
Հիշեցնենք, որ պաշտպանները միջնորդել են գրավի դիմաց ազատ արձակել «Մարտի 1»-ի գործով մեղադրյալ Ռոբերտ Քոչարյանին։
Գրավի չափ չեն նշել։ Հարցին, թե արդյոք Քոչարյանը չի պատրաստվում որևէ հայտարարությամբ հանդես գալ, փաստաբանն ասաց, որ այս պահին դեռևս ոչ։
Հիշեցնենք, ՀՀ 2-րդ նախագահ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել «Մարտի 1»-ի գործով վկայի կարգավիճակով՝ հարցաքննության։ Նույն օրը նրան մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով՝ Սահմանադրական կարգը տապալելը։ Նա հուլիսին կալանավորվեց, ապա օգոստոսի 13-ին ազատ արձակվեց Վերաքննիչ դատարանից։ Ռոբերտ Քոչարյանը, սակայն, ազատության մեջ երկար չմնաց, դեկտեմբերի 7-ին նա կրկին կալանավորվեց։
Լիլիթ Շաբոյան
