14.11.2024 | 19:45
ՔՊ-ն առաջարկում է 10 մլն դարձնել կուսակցություններին նվիրաբերվող գումարի չափը․ ՀՅԴ-ն աջակցում է. ՏԵՍԱՆՅՈՒԹ
«Մենք փակ ենք». ԱՄՆ պետական մարմինների ցուցանակները Թրամփի կողմից դաշնային կառավարությունը «փակելուց» հետո. ԼՈՒՍԱՆԿԱՐՆԵՐ
Քաղաքականություն
26.12.2018 | 16:56
ԱՄՆ նախագահ Դոնալդ Թրամփը «փակել» է դաշնային կառավարությունը, քանի Կոնգրեսը չի ցանկանում գումար հատկացնել Մեքսիկայի հետ սահմանին պատ կառուցելու համար, գրում է ՏԱՍՍ-ը:
«Չեմ կարող ասել՝ երբ կբացվի կառավարությունը: Կարող եմ ասել, որ այն չի բացվի այնքան ժամանակ, մինչև պատ կունենանք»,- հայտարարել է ԱՄՆ նախագահը:
CNN-ի գնահատմամբ՝ 420 հազար մարդ ստիպված կլինի առանց աշխատավարձի աշխատել, ևս ավելի քան 380 հազար պետական աշխատող չվճարվող արձակուրդ կուղարկվի:
Այսպես կոչված «շաթդաունը» կառնչվի անմիջականորեն ԱՄՆ Կոնգրեսից ֆինանսավորվող պետական հաստատություններին: Առաջին հերթին աշխատանքը կդադարեցնեն ազգային պարկերը, որոնք ֆինանսավորվում են ԱՄՆ Ներքին գործերի նախարարության կողմից: Չեն աշխատի նաև հարկային ծառայությունները, կսահմանափակվի որոշակի ծառայությունների մատուցումը պետքարտուղարության կողմից:
Նշենք, որ անցյալ շաբաթ ԱՄՆ Սենատի՝ այս տարվա վերջին նիստի ընթացքում դեմոկրատները չեն համաձայնել բյուջեի ներկայացված տարբերակը: Խնդիրը Մեքսիկայի հետ սահմանին պատի կառուցման համար պետբյուջեից 5 մլրդ դոլար հատկացնելու՝ նախագահ Թրամփի պահանջն է: Հանրապետականներն առաջարկել են մինչև փետրվարի 8-ը ժամանակավոր բյուջե ընդունել՝ առանց ներառելու Թրամփի պահանջը, սակայն Սպիտակ տան ղեկավարը հրաժարվել է ստորագրել փաստաթղթի այդ տարբերակը:
