08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
WikiLeaks-ը հրապարակել է Մակրոնի՝ Հայաստանի մասին ամփոփագրերը
Քաղաքականություն
31.07.2017 | 18:21
WikiLeaks-ը Էմանուել Մակրոնի նախընտրական շտաբի ավելի քան 21 հազար նամակ է հրապարակել, որտեղ նաև Հայաստանի մասին տեղեկություններ պարունակող նամակներ կան. փոխանցում է rusarminfo.ru-ն:
Հրապարակված նամակներում հատուկ Մակրոնի համար կազմված կարևոր իրադարձությունների ամփոփագրեր կան, որոնք ուղարկված են ֆրանսիական Le Monde թերթի հասցեից։
Այդ ամփոփագրերում, որոնք ուղարկվել են Մակրոնի նախընտրական շտաբի աշխատակցուհի Աննա Քրիստինին, ներկայացված են 2016 թվականի հունիսին Հռոմի պապ Ֆրանցիսկոսի հայաստանյան այցի արդյունքները, ինչպես նաև նրա ամենակարևոր հայտարարությունները։ Հատուկ նշվում է, որ Հռոմի պապը, նկարագրելով 1915 թվականի իրադարձությունները, գործածել է «Ցեղասպանություն» տերմինը, ինչն առաջացրել է Թուրքիայի զայրույթը։
Մակրոնի համար այլ նամակում ներկայացված են Հայաստանի տնտեսության մասին հրապարակումներ, որտեղ նշվում է, որ երկրի զարգացումը հիմնականում կախված է գյուղատնտեսության և ՏՏ տեխնոլոգիաների ոլորտում առաջընթացից։
«Հայաստանը տառապում է գործազրկության բարձր մակարդակից։ Բնակչության մոտ 1/3-ն ապրում է աղքատության շեմին։ Սակայն համակարգչային արդյունաբերության աճը կարող է փոխել իրադրությունը տնտեսական պլանում»,-նշվում է Էմանուել Մակրոնի համար նախատեսված ամփոփագրում։
