14.11.2024 | 20:00
Վտանգված է ՀՀ-ԱՄՆ-ԵՄ բրյուսելյան օրակարգը․ վստահ չեմ՝ Թրամփը ռեսուրսներ կծախսի մեր ռեգիոնում․ Տիգրան Գրիգորյան. ՏԵՍԱՆՅՈՒԹ
Իսրայելը հրթիռային հարվածներ է հասցրել Դամասկոսի ուղղությամբ
Քաղաքականություն
26.12.2018 | 13:09
Իսրայելական զինուժը հրթիռային հարվածներ է հասցրել Սիրիայի մայրաքաղաք Դամասկոսի արվարձանների ուղղությամբ: Սիրիայի ՀՕՊ-ը խոցել է հրթիռների մեծ մասը. rbc.ru-ի փոխանցմամբ՝ իսրայելական գնդակոծության հետևանքով առնվազն 3 սիրիացի զինծառայող է վիրավորվել:
Ըստ տեղեկությունների՝ իսրայելական օդանավերը թափանցել են Լիբանանի օդային տարածք, այնուհետև հրթիռային հարված հասցրել Դամասկոսի մերձակայքում գտնվող ռազմական օբյեկտների ուղղությամբ: Al-Arabiya հեռուստաալիքը հաղորդում է, որ իսրայելական ՌՕՈՒ-ն «իրանական զենքով» երեք պահեստ է ոչնչացրել: Իսրայելի բանակն էլ հաղորդել է, որ ՀՀՊ համակարգերը գործի են դրվել՝ ի պատասխան Սիրիայի տարածքից զենիթային հրթիռի արձակման:
Սիրիական հրթիռների բեկորներն ընկել են Լիբանանի արևելյան Բեքաայի հովտի շրջանում: Լիբանանյան աղբյուրները տեղեկացրել են, որ իսրայելական ՌՕՈՒ-ի օդանավերը թռիչք են իրականացրել չափազանց ցածր բարձրությամբ:
