16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռուսաստանն ընդլայնել է Ուկրաինայի դեմ սահմանված պատժամիջոցները
Քաղաքականություն
25.12.2018 | 16:52
Դմիտրի Մեդվեդևն ընդլայնել է Ուկրաինայի ֆիզիկական և իրավաբանական անձանց ցանկը, որոնց դեմ սահմանափակումներ են կիրառվում: ՌԴ վարչապետն այս մասին տեղեկացրել է Twitter-ի իր էջում:
«Ես համապատասխան որոշում եմ ստորագրել: Դա արվել է՝ Ռուսաստանի քաղաքացիների, պետության և ռուսական ընկերությունների շահերը պաշտպանելու համար»,- գրել է Մեդվեդևը:
Կառավարությունում նաև նշել են, որ պատժամիջոցների ցանկի ընդլայնումը կվերաբերի ավելի քան 200 անձանց և ընկերությունների, գրում է ՌԻԱ Նովոստին:
Նշենք, որ Մոսկվան նոյեմբերի 1-ից պատժամիջոցներ է սահմանել 322 ֆիզիկական և 68 իրավաբանական անձանց նկատմամբ՝ ի պատասխան ուկրաինական պատժամիջոցների: Ցանկում ներառված են Ուկրաինայի ՆԳ նախարար Արսեն Ավակովը, ՈՒԱԽ ղեկավար Վասիլի Գրիցակը, պաշտպանության նախարար Ստեպան Պոլտորակը, նախկին վարչապետներ Յուլիա Տիմոշենկոն, Արսենի Յացենյուկը և այլք:
Դմիտրի Մեդվեդևի որոշումը կառնչվի նաև Ուկրաինայի Սահմանադրական դատարանին, վարչակազմի պաշտոնյաներին, գործադիր իշխանության մարմինների ղեկավարներին, մի շարք քաղաքական գործիչների, գործարարների և զինվորականների:
Հատուկ միջոցները ենթադրում են Ռուսաստանի տարածքում անշարժ գույքի, արժեթղթերի, անկանխիկ դրամական միջոցների արգելափակում (սառեցում) և նշված միջոցների՝ ՌԴ տարածքից դուրս բերելու արգելք:
Կրեմլի խոսնակ Դմիտրի Պեսկովն իր հերթին չի բացառել, որ Մոսկվան կարող է դադարեցնել պատժամիջոցների գործողությունը, եթե Կիևը չեղարկի իր սահմանափակումները:
