16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռուսական ռազմաբազան դարձել է սպառնալիք Հայաստանի քաղաքացիների համար. Նարինե Մկրտչյան. ՏԵՍԱՆՅՈՒԹ
Քաղաքականություն
25.12.2018 | 12:14
Այսօր մի քանի տասնյակ հասարակական-քաղաքական գործիչներ բողոքի ակցիա էին կազմակերպել Հայաստանում Ռուսաստանի դեսպանատան առջև։ Կազմակերպիչներից Նարինե Մկրտչյանը, որը նաև «Մամուլի ազգային ակումբի» նախագահն է, Factor.am-ի հետ զրույցում ներկայացրեց իրենց պահանջները․ «Մեր բողոքն ուղղված է Գյումրիում տեղակայված ռուսական 102-րդ ռուսական ռազմահենակետում տիրող իրավիճակի դեմ, որը փաստացի սպառնալիք է դարձել Հայաստանի Հանրապետության քաղաքացիների և մեր երկրի ինքնիշխանության համար»։
Տիկին Մկրտչյանը շեշտում է, որ օրինաչափություն են դառնում ռուս զինծառայողների մասնակցության արյունոտ միջադեպերը։ Ցույցի մասնակիցները Ռուսաստանի դեսպանին ուղղված հանրագիր էին բերել, որով առաջարկում են օրենսդրական կարգավորում տալ 2010 թվականին ընդունված հայ-ռուսական միջպետական համաձայնագրի 5-րդ արձանագրությանը։
Նրանց կարծիքով՝ անհրաժեշտ է ռուսական կողմի հետ սկսել բանակցություններ՝ Հայաստանում տեղակայված ռուսական միավորումների պատասխանատվության և պարտավորությունների ոտնահարման վերաբերյալ։
«Այն, որ ռուսական զինծառայողների մասնակցությամբ միջադեպեր են գրանցվում, և կասկածյալները պահվում են ռուսական ռազմաբազայում, նշանակում է, որ նրանք իրենց պահում են տանտիրոջ պես և չեն հարգում Հայաստանի օրենքները։ Ե՛վ Պերմյակովի, և՛ դեկտեմբերի 2-ի սպանության դեպքում տեսնում ենք, որ Ռուսաստանը մեկուսացնում է հանցագործություն կատարած զինծառայողներին և չի հանձնում։ Այդպիսով լուրջ խնդիր է առաջանում Հայաստանի իրավապահների համար»,- ասում է Նարինե Մկրտչյանը։
Մանրամասները՝ տեսանյութում:
