02.03.2026 | 13:33
Հայ-իրանական սահմանին առանձնահատուկ շարժ չկա. Արմեն Ղազարյան․ ՏԵՍԱՆՅՈՒԹ
Պենտագոնը գրավոր պատասխանել է թուրքական պետական լրատվամիջոցին
Քաղաքականություն
24.12.2018 | 17:10
Թուրքական պետական «Anadolu» լրատվական գործակալության լրագրողը հարց է ուղղել ԱՄՆ Պենտագոնի խոսնակ Սին Ռոբերթսոնին՝ ԱՄՆ-ի կողմից «Քուրդիստանի բանվորական կուսակցությանը» (ՔԲԿ-PKK) և Սիրիայի քրդական «Ժողովրդական ինքնապաշտպանական ջոկատներ»-ին (ԺԻՋ-YPG) տրամադրված զենքերի վերաբերյալ, թե արդյո՞ք ԱՄՆ-ն հետ է վերցնելու դրանք. փոխանցում է ermenihaber-ը:
Ըստ «Anadolu» գործակալության՝ խոսնակը խուսափել է հարցին հստակ պատասխանելուց և դրա առնչությամբ գրավոր պարզաբանում է ներկայացրել։
Պարզաբանման մեջ նշված է, որ քրդական YPG-ն «Իսլամական պետություն» (ԻՊ) ահաբեկչական կազմակերպության դեմ պայքարի շրջանակներում տարածաշրջանում հանդիսանում է ԱՄՆ-ի համար ազդեցիկ մի գործընկեր։
Այդ զենքերը, ըստ Պենտագոնի խոսնակի, տրամդրվել են ԻՊ-ին պարտության մատնելու նպատակով։
Ռոբերթսոնը նշել է նաև, որ դեռևս շարունակվող գործողությունների մասին մանրամասներ չի կարող ներկայացնել, սակայն այժմ ԱՄՆ-ն կենտրոնացած է Սիրիայից անվտանգ և գիտակցված դուրս գալու խնդրի վրա։
