23.04.2026 | 11:00
Կառավարության նիստը՝ ՈՒՂԻՂ
Եթե խոսում ենք ԱԱԾ-ում լյուստրացիայի մասին, ապա դա չպետք է լինի միայն գործակալների անունները հրապարակելով․ Հրանուշ Խառատյան․ ՏԵՍԱՆՅՈՒԹ
Քաղաքականություն
24.12.2018 | 15:07
Ազգագրագետ Հրանուշ Խառատյանի համոզմամբ՝ եթե մենք խոսում ենք Ազգային անվտանգության ծառայությունում լյուստրացիայի մասին, ապա դա չպետք է լինի միայն ԱԱԾ գործակալների անուններ հրապարակելով։
«Լյուստրացիան նախևառաջ ռեալ գիտելիք է՝ ինչը մերժել և ինչպես մերժել, ինչ թույլ չտալ և ում թույլ չտալ՝ մաս լինել մեր կյանքի կազմավորմանը»,- այսօր «Ազգային անվտանգության մարմինների կազմավորման 100-ամյակը. ձեռքբերումներ և բացթողումներ» թեմայով քննարկման ժամանակ ասաց ազգագրագետ Հրանուշ Խառատյանը։
Նրա խոսքով՝ մենք պատկերացում չունենք նաև թե ներկայում հասարակության որ շերտերն են, որ համագործակցում են Ազգային անվտանգության ծառայության հետ, իսկ դրա համար հարկավոր է ունենալ համապատասխան օրենքներ, որոնք մենք չունենք։
«Մեր օրենքները հարմար չեն, մենք իրավական գնահատական չունենք անցյալի վերաբերյալ, և նման գնահատական չունենք նաև այդ անցյալից հետո կատարված վերլուծությունների մասին, և այս հարցում մի տեսակ օդում կախված վիճակում ենք»,- ասաց Հրանուշ Խառատյանը։
Մանրամասները՝ տեսանյութում։
