18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Կոնգրեսականները համաձայնել են 5.7 մլրդ դոլար հատկացնել Մեքսիկայի հետ սահմանին պատ կառուցելու համար
Քաղաքականություն
21.12.2018 | 13:27
ԱՄՆ Կոնգրեսի Ներկայացուցիչների պալատը հավանություն է տվել Մեքսիկայի հետ սահմանին պատ կառուցելու նախագծի շրջանակում 5.7 մլրդ դոլար հատկացնելուն. կողմ է քվեարկել 217 օրենսդիր, դեմ՝ 185-ը: Այս մասին գրում է «Կոմերսանտը»՝ վկայակոչելով AP-ն:
«Նախագահը հստակ հասկացրեց, որ ցանկանում է անվտանգ դարձնել սահմանը և չի ստորագրի մի փաստաթուղթ, որը դրա համար գումար չի նախատեսում»,- հայտարարել է Սպիտակ տան մամուլի խոսնակ Սառա Սանդերսը: Հիմա արդեն օրինագիծը պետք է ուղարկվի Սենատ:
Նախագահ Դոնալդ Թրամփը շնորհակալություն է հայտնել հանրապետական կոնգրեսականներին աջակցության համար: «Շնորհակալ եմ Կոնգրեսի հանրապետական անդամներին՝ սահմանային անվտանգության և պատի կառուցման ֆինանսավորման օգտին իրենց ձայները տալու համար»,- Twitter-ում գրել է Թրամփը:
Նշենք, որ ավելի վաղ նախագծի ֆինանսավորման հարցով վիճաբանությունը հանգեցրել էր նրան, որ ԱՄՆ-ն սկսել էր պատրաստվել դաշնային կառավարության գործունեության մասնակի դադարեցման: Պատի կառուցման նախագծի համար, որը պետք է դիմակայի Լատինական Ամերիկայից անօրինական միգրացիային, արդեն 3.5 մլրդ դոլար է ծախսվել:
