23.04.2026 | 14:00
10 մլն դրամանոց ժամացույց, կանխիկ՝ 200 հազար դոլար, 100 մլն դրամ, 50 հազար եվրո, 6 անշարժ գույք․ Դավիթ Ղազինյանի հայտարարագիրը
Արայիկ Հարությունյանը կվերանշանակվի ԿԳ նախարար
Քաղաքականություն
19.12.2018 | 15:31
Factor.am-ի տեղեկություններով՝ «Քաղաքացիական պայմանագիր» կուսակցության վարչության անդամ, Կրթության և գիտության նախարարի պաշտոնակատար Արայիկ Հարությունյանը առաջիկայում կշարունակի իր գործունեությունը կառավարությունում՝ վերանշանակվելով ԿԳ նախարարի պաշտոնում։
Մեր այս տեղեկությունը փորձեցինք ճշտել Արայիկ Հարությունյանից, որն, ըստ էության, ոչ հերքեց, ոչ էլ հաստատեց լուրը՝ նշելով. «Քննարկումները շարունակվում են: Գործադիրի և օրենսդիրի պաշտոնների համար քննարկվում են տարբեր անուններ, այդ թվում՝ նաև իմ անունը: Վերջնական որոշումներ կլինեն առաջիկայում»:
Կուսակցության վարչության անդամ Լենա Նազարյանն էլ տեղեկացրեց, որ առաջիկայում կուսակցության վարչության նիստերից հետո ճեպազրույցներ են կազմակերպելու լրագրողների համար և քննարկումների մասին մանրամասներ կհայտնեն: «Շատ են լուրեր տարածվում, որոնց մասին պետք է ինչ-որ բան հայտնենք»,- ասաց Լենա Նազարյանը:
Շողիկ Գալստյան
