12.10.2026 | 13:08
ԱՄՆ-ը սպառնում է արգելափակել Ուկրաինային զենքի մատակարարումը՝ ռուսական նավթավերամշակման գործարաններին հարվածների պատճառով․ FT
Ոստիկանական բաժանմունքներում այն գործընթացները, որոնք կապված են բերման ենթարկված անձի հետ՝ տեսաձայնագրվելու են․ փոխնախարարի պաշտոնակատար․ ՏԵՍԱՆՅՈՒԹ
Հասարակություն
19.12.2018 | 12:52
Արդարադատության փոխնախարարի պաշտոնակատար Վիգեն Քոչարյանը չի կիսում տեսակետը, որ երկրում ծավալված ատելության խոսքի տարածման աճին գործադիր իշխանությունը որևէ կերպ չի արձագանքել:
«Իրո՛ք, խնդիրը կա։ Ժամանակին, երբ մեր մարզերից մեկում համապատասխան դեպքեր եղան, եղավ փոխվարչապետի մակարդակով հայտարարություն, դրա հետ կապված ունեցանք նաև մեր վարչապետի անդրադարձը։ Մենք պետք է հասկանանք, որ սա այնպիսի խնդիր է, որ այդ դրսևորումները համակարգային բնույթ չեն կրում, պարզապես պետք է գտնենք դրա լուծումները՝ հաշվի առնելով, որ կա նաև բավականին բարդ իրավական խնդիր՝ խոսքի ազատության և դրա սահմանափակման հետ կապված։ Վաստահ եմ, որ լուծումներ կգտնենք՝ հիմնվելով նաև նախադեպային որոշումների վրա»,- այսօր հրավիրված «Մարդու իրավունքների պաշտպանության և դատական համակարգի խնդիրները Հայաստանում. 2018 թ» տարեվերջյան ամփոփիչ քննարկման ընթացքում ասաց փոխնախարարի պաշտոնակատարը։
Վիգեն Քոչարյանն անդրադարձավ նաև խոշտանգումների դեպքերի բացառմանն ու նշեց, որ այժմ ոստիկանության իրենց գործընկերների հետ մշակում են օրենսդրական փաթեթ։
«Ներկայումս մեր ոստիկանության գործընկերների հետ մշակում ենք օրենսդրական փոփոխությունների մի ամբողջ փաթեթ, որի իմաստը լինելու է հետևյալը․ ոստիկանական բաժանմունքներում այն բոլոր գործընթացները, որոնք կապված են բերման ենթարկված անձի հետ, ամբողջությամբ տեսաձայնագրվելու են, հստակ կանոնակարգվելու են նաև ոստիկանության գործողությունները»,- ասաց նա։
Մանրամասները՝ տեսանյութում։
