16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
ՀԱՊԿ գլխավոր քարտուղարի հարցը պետք է լուծվի այնպես, որ կազմակերպությունը ոչ միայն չթուլանա, այլև ամրապնդվի. ՌԴ դեսպան. ՏԵՍԱՆՅՈՒԹ
Քաղաքականություն
18.12.2018 | 13:34
ՀԱՊԿ գլխավոր քարտուղարի ընտրության հարցը, որը հիմա արդիական է կազմակերպության համար, պետք է լուծվի այնպես, որ կազմակերպության արդյունավետությունը ոչ միայն չթուլանա, այլև ամրապնդվի, այդ թվում՝ կազմակերպության գործունեության իրավական հիմքերի կատարելագործման շնորհիվ: Դեկտեմբերի 18-ին լրագրողների հետ հանդիպմանը նման կարծիք հայտնեց Հայաստանում ՌԴ դեսպան Սերգեյ Կոպիրկինը:
«Ես ՀԱՊԿ-ում ՌԴ ներկայացուցիչը չեմ, և մեկնաբանության հարցում սահմանափակ հնարավորություն ունեմ: Իմ կարծիքով՝ Ռուսաստանի դիրքորոշումը հիմնված է կազմակերպության, դրա երկրների միջև փոխհամաձայնության ամրապնդման վրա»,- նշեց ռուսաստանցի դիվանագետը:
Ինչ վերաբերում է անմիջականորեն նոր գլխավոր քարտուղարի թեկնածությանը, Կոպիրկինը հիշեցրել է, որ այդ հարցը լուծվում է պետությունների ղեկավարների մակարդակով: «Կարծում եմ, որ մեր ընդհանուր շահերից է բխում, որ կազմակերպությունն ամրապնդվի, արդյունավետ գործի, և հենց սա էլ կլինի այն որոշման հիմքում, որը կընդունվի»,- եզրափակեց Սերգեյ Կոպիրկինը:
Մանրամասները՝ տեսանյութում:
