12.12.2025 | 00:34
Բռնցքամարտի ԱԱ․ Ռուդոլֆ Գարբոյանն ու Դավիթ Չալոյանը` բրոնզե մեդալակիրներ. ՏԵՍԱՆՅՈՒԹ
Մոսկվան ու Երևանը շուտով փաստաթուղթ կստորագրեն, որը կերաշխավորի ՀՀ-ում օտարերկրյա զինծառայողների բացակայությունը. Սերգեյ Լավրով
Քաղաքականություն
17.12.2018 | 16:35
Մոսկվան ու Երևանը շուտով փաստաթուղթ են ստորագրելու, որը կերաշխավորի Հայաստանում բիոլաբորատորիաներում օտարերկրյա զինծառայողների բացակայությունը: Ուղիղ եթերում պատասխանելով «Կոմսոմոլսկայա պրավդա»-ի ընթերցողների հարցերին՝ այս մասին տեղեկացրել է ՌԴ ԱԳ նախարար Սերգեյ Լավրովը:
«Պատրաստվում է համաձայնագիր, որը կերաշխավորի, որ Հայաստանում օտարերկրյա զինվորականներ չեն լինի, և որ այնտեղ տեղի ունեցող ամեն ինչ թափանցիկ կլինի՝ առանց որևէ սպառնալիքի և վտանգի»,- ասել է Լավրովը:
Անդրադառնալով լրագրողի հարցին, թե ինչու է Մոսկվան թույլ տվել, որ իր ռազմավարական գործընկեր Հայաստանում ամերիկյան ներդրումներով բիոլաբորատորիաներ բացվեն, Սերգեյ Լավրովը պատասխանել է, որ նման լաբորատորիաներ կան և՛ Հայաստանում, և՛ Վրաստանում, և՛ Ղազախստանում, և՛ Ուզբեկստանում, և՛ Ուկրաինայում ու այլ երկրներում:
«Մենք այդ հարցի շուրջ խոսել ենք Վրաստանի, Հայաստանի, Ղազախստանի հետ: Վրացիներն արդեն մեզ հրավիրել են՝ ծանոթանալու այդ բիոլաբորատորիաներին, հասկանալու համար, թե դրանք որքանով են վտանգավոր Ռուսաստանի և հարևան երկրների համար»,- ասել է ՌԴ ԱԳ նախարարը:
