18.12.2025 | 17:43
Եկել եմ Գերագույն հոգևոր խորհրդի նիստին, օրակարգը չգիտեմ. Վահան սրբազան․ ՏԵՍԱՆՅՈՒԹ
Աթենքում հեռուստաընկերության շենքի մոտ պայթյուն է որոտացել
Քաղաքականություն
17.12.2018 | 11:06
Աթենքում Skai TV հեռուստաալիքի շենքի մոտ պայթյուն է որոտացել: Այս մասին հաղորդել է հունական ոստիկանությունը, գրում է ՌԻԱ Նովոստին:
Ինքնաշեն պայթուցիկ սարքը պայթել է կեսգիշերն անց՝ տեղական ժամանակով 02:35-ին: Տուժածներ չկան, վնասվել են շենքի առաջին և երկրորդ հարկերը:
Միջադեպից 45 րոպե առաջ Zougla կայքի և Antenna հեռուստաալիքի խմբագրություններ զանգ է ստացվել նախապատրաստվող պայթյունի մասին: Իրավապահներն անմիջապես տարհանել են մարդկանց և շրջափակել շրջանը:
Հունաստանի քաղպաշտպանության նախարարն ու ոստիկանության ղեկավարն անմիջապես դեպքի վայր են մեկնել: Քաղպաշտպանության նախարար Օլգա Գերովասիլիի խոսքով՝ նրանք, ովքեր ձայն են տալիս ահաբեկչությանն ու ֆաշիզմին, պետք է լավ մտածեն:
Իրավապահները հետաքննություն են սկսել:
