Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը

Լուրեր

21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
Բոլորը

Ուկրաինայի նախագահ Վոլոդիմիր Զելենսկին հայտարարել է, որ Ղրիմի կամուրջը Ուկրաինայի համար օրինական թիրախ է, և Ռուսաստանը պետք է գիտակցի, որ չի կարող պահպանել վերահսկողությունը օկուպացված թերակղզու նկատմամբ։ NBC News-ին տված հարցազրույցում նա չի բացառել կամրջին հետագա հարվածները․ գրում է dw.com-ը։

«Պուտինը պետք է հասկանա, որ այդ կամուրջը չի պահպանվի»,- նոյեմբերի 20-ի երեկոյան ասել է Զելենսկին՝ պատասխանելով լրագրողի հարցին Ղրիմը Ռուսաստանի հետ կապող Կերչի նեղուցի կամրջի հետագա ճակատագրի մասին։

Զելենսկին ընդգծել է, որ կամրջին հասցված հարվածներն օրինական են, քանի որ թերակղզին 2014 թվականի գարնանից օկուպացված է ռուսական զորքերի կողմից։

«Սա միանգամայն օրինական թիրախ է մեզ համար, քանի որ նրանք օկուպացրել են Ղրիմը՝ մեր Ղրիմը։ Դա նրանց առաջին թիրախն էր 2014 թվականին։ Նրանք օկուպացրել են մեր տարածքը։ Այնուհետև կառուցել են այդ կամուրջը և հայտարարել, որ այն Ռուսաստանի մաս է»,- պարզաբանել է Ուկրաինայի նախագահը։

Նա հիշեցրել է, որ թերակղզու օկուպացիայից հետո Մոսկվան փոփոխություններ է կատարել իր Սահմանադրության և ներքին օրենսդրության մեջ՝ փորձելով այդ կերպ ամրագրել ուկրաինական տարածքների նկատմամբ իր իրավունքները։

Սակայն, ինչպես նշել է Զելենսկին, Ռուսաստանի այդ գործողությունները միջազգային ճանաչում չեն ստացել։

Ուկրաինայի նախագահը հասկացնել է տվել, որ Ղրիմի կամրջին հարվածները կարող են շարունակվել, իսկ Ռուսաստանը պետք է «զգա, թե ինչ է պատերազմը» և գիտակցի, որ չի կարող պահպանել վերահսկողությունը ուկրաինական թերակղզու նկատմամբ։

«Նրանք հարձակվել են մեր մի քանի օբյեկտների վրա, և, իհարկե, մենք պետք է պատասխան տայինք։ Եվ, բնականաբար, մենք հարվածել ենք Ղրիմի կամրջին։ (…) Դիվանագիտական թե ռազմական ճանապարհով՝ մենք ոչ մի դեպքում չենք հաշտվի այն փաստի հետ, որ տարածքները օկուպացված են Պուտինի և ռուսների կողմից»,- ամփոփել է Զելենսկին։

Նրա խոսքով՝ Ռուսաստանը մինչ օրս Ղրիմի կամուրջն օգտագործում է թերակղզի հնարավորինս մեծ քանակությամբ սպառազինություն տեղափոխելու համար։ Ուկրաինայի զինված ուժերի ամենօրյա հաղորդագրությունների համաձայն՝ հրթիռների և անօդաչու թռչող սարքերի արձակումները հաճախ իրականացվում են օկուպացված Ղրիմից։

Թարգմանությունը՝ Անահիտ Խաչատրյանի