16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Վաղը դատարանը կհրապարակի Արմեն Գևորգյանի կալանքի հարցով որոշումը. ՏԵՍԱՆՅՈՒԹ
Հասարակություն
13.12.2018 | 17:35
Ավան և Նոր Նորք վարչական շրջանների ընդհանուր իրավասության դատարանում ավարտվեց Արմեն Գևորգյանի կալանքի հարցով միջնորդության քննարկումը։
Դատարանը հեռացել է խորհրդակցական սենյակ՝ որոշում կայացնելու, որը կհրապարակվի վաղը՝ ժամը 16:00-ին։ Այս մասին նիստի ավարտից հետո հայտարարեց Գևորգյանի պաշտպան Էրիկ Ալեքսանյանը։
Ըստ նրա, եթե Գևորգյանը կալանավորվի, հանդես կգա հայտարարությամբ և կներկայացնի պարզաբանումներ իրեն վերագրվող արարքների շուրջ։ Գևորգյանի պաշտպանները այսօրվա նիստում վիճարկել են Գևորգյանին կալանավորելու պայման հիմնավոր կասկածը, որը վկայակոչել է ՀՔԾ-ն. «Նշել ենք, որ Արմեն Գևորգյանի առնչությունն իրեն մեղսագրվող հանցագործություններին բացակայում է»։
Գևորգյանի պաշտպանները դատարանում ներկայացրել են, որ նա մնալով ազատության մեջ, կդրսևորի պատշաճ և օրինավոր վարքագիծ՝ այդպիսով առարկելով քննչական մարմնի բերած հիմնավորումները։ «Այսօրվա դատական նիստի ժամանակ դատարանն իր առաքելությունը կատարել է բարեխիղճ և պրոֆեսիոնալ, ուստի որևէ կասկած չկա», – դատարանին վստահել-չվստահելու վերաբերյալ ասաց փաստաբան Ալեքսանյանը։
Նրան խնդրեցինք մեկնաբանել ՀՔԾ պետ Սասուն Խաչատրյանի՝ Առաջին ալիքի եթերում հնչեցված այն միտքը, թե հաստատվել է Վիքիլիքսյան այն հրապարակումը, թե Արմեն Գևորգյանը այլ պաշտոնատար անձի միջոցով 2008 թվականին ճնշում է գործադրել ՍԴ անդամ Վալերի Պողոսյանի վրա: «Այդպիսի ամեն հայտարարություն ոչ միայն անմեղության կանխավարկածի խախտում է, օրենքի խախտում, այլև հասարակության մեջ որոշակի ատելություն է մտցնում հասարակության մեջ, որը կարող է իր ազդեցությունը կարող է թողնել պետական կառույցների վրա», -ասաց Գևորգյանի պաշտպան Էրիկ Ալեքսանյանը։
Ռոբերտ Անանյան
