Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ

Լուրեր

17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
Բոլորը

Կրպակների ապամոնտաժումից մեկ ամիս անց Շինարարների փողոցի այս հատվածում դեռ հողի կույտեր են ու վնասված ասֆալտ։ Աջափնյակ վարչական շրջանի ղեկավար Սերոբ Սարգսյանը մեկ ամիս առաջ, Factor TV-ի հարցին ի պատասխան, վստահեցնում էր՝ տարածքը կրպակներից ազատվում է բարեկարգման նպատակով։

«Օրինակ՝ այս ամիսն այն ամիսն է, երբ ծառատունկ են իրականացնում, որ ասում են՝ ձմռան բերան է, հիմա են ծառատունկն անում, հիմա է դրա ժամանակը, կատարելու ենք»,- ասել էր նա։

ՔՊ-ական Սերոբ Սարգսյանի նշած ամիսը հոկտեմբերն էր։ Հիմա արդեն նոյեմբերն է, իսկ տարածքը դեռ անբարեկարգ տեսք ունի։ Factor TV-ն Շինարարների փողոցի բնակիչներից հետաքրքրվեց՝ ապամոնտաժումից հետո որևէ բարեկարգման աշխատանք նկատե՞լ են։

«Ասել են, որ կանաչապատելու են, բայց քանդեցին, դեռ չեն արել։ Ինձ թվում է՝ չեն հասցնի։ Էն մեկն էլ ղարաբաղցի էր, քանդեցին, խեղճն աշխատում էր, իր տան վարձը տալիս էր»,- ասաց փողոցի բնակիչներից մեկը։

Մեկ այլ քաղաքացի էլ նկատեց.«Ավերակների են վերածել, բարեկարգում էլ չկա»։

«Առայժմ հավաքում են, հողերը լցրեցին, բորդյուրները դրեցին, մնացածն էլ կանեն։ Նայեք՝ էստեղ լցրել են, իհարկե՝ գոհ ենք»,- ասաց մեկ այլ քաղաքացի։

Աջափնյակ վարչական շրջանի ղեկավար Սերոբ Սարգսյանն այսօր Factor TV-ի հետ զրույցում հայտարարեց, որ այս տարի ծառատունկ չի իրականացվի։ Մեկ ամիս առաջ կրպակների ապամոնտաժումը բարեկարգման նպատակով հիմնավորող պաշտոնյան ունի նաև բացատրություն, թե ինչու իր իսկ մատնանշած՝ ծառատունկի համար իդեալական ժամանակահատվածը չի օգտագործվելու։

«Այս պահին չի արվելու, որոշում է կայացվել ամբողջ փողոցը բարեկարգել, մայթերի լայնացում ենք իրականացնելու, լարերն ենք գետնի տակով անցկացնելու, դրա համար ծառատունկ չենք իրականացնում»,- ասաց նա։

«Հայաստան» խմբակցության պատգամավոր Մեսրոպ Մանուկյանը, որը դեմ էր, իր խոսքով՝ օրինական կրպակների ապամոնտաժմանը և աշխատանքների ընթացքում կոնֆլիկտի էր մեջ մտել թաղապետի հետ, այսօր Factor TV-ին փոխանցեց, որ քաղաքային իշխանությունները դեռ չեն ներկայացրել անգամ կանաչապատման նախագիծը։

«Իրենք պետք է նախօրոք իմանային՝ ինչպես են կանաչապատելու, բերեին, հասարակությանը ներկայացնեին։ Իրենց սիրած կանաչը դոլարն է»,- հայտարարեց ընդդիմադիր պատգամավորը։

Ի դեպ, նշենք, որ ապամոնտաժման աշխատանքները նախորդ ամիս հասել էին նաև ընդդիմադիր պատգամավորի աներոջ անօրինական բենզալցակայանին, որը գտնվում է նույն փողոցում։

Սերոբ Սարգսյանն այսօր Factor TV-ի հետ զրույցում փոխանցեց, որ փողոցում լայնածավալ աշխատանքներ են իրականացվելու, այդ թվում՝ կանաչապատում, մայթերի հնարավոր լայնացում և էլեկտրական լարերի տեղափոխում գետնի տակ։ Թե որքան գումար է ծախսվելու քաղաքային բյուջեից, Սարգսյանը դեռևս չկարողացավ հստակեցնել. նախահաշիվը պատրաստ չէ։ Այսպիսով՝ կրպակներն արդեն ապամոնտաժվել են, բայց թե երբ և ինչ միջոցներով տարածքը վերջնական տեսքի կբերվի, պարզ չէ։

Մանրամասները՝ տեսանյութում։

Նարեկ Կիրակոսյան