02.03.2026 | 15:06
Զինվորի սպանության գործով մեկ անձ կալանավորվել է
Իսրայելցի զինվորականները շրջափակել են Պաղեստինի մայրաքաղաքը
Քաղաքականություն
13.12.2018 | 19:24
Իսրայելական բանակը վերահսկողության տակ է վերցրել Պաղեստինի մայրաքաղաք Ռամալլայի բոլոր ելքերն ու մուտքերը: ՏԱՍՍ-ի փոխանցմամբ՝ այս մասին հայտնել է իսրայելական զինուժի պաշտոնական ներկայացուցիչ Ջոնաթան Կոնրիկուսը: Պատճառը Հորդանան գետի Արևմտյան ափին իսրայելցիների վրա հարձակումն է, որի արդյունքում երկու մարդ է զոհվել, երկուսը՝ վիրավորվել:
«Խոսքն իսրայելցի քաղաքացիական անձանց և զինվորականների վրա ահաբեկչական հարձակման մասին է»,- ասել է Կոնրիկուսը:
Ավելի վաղ իսրեյալական կողմը հաղորդել էր, որ Հորդանան գետի Արևմտյան ափին ավտոբուսի կանգառում իսրայելցիների ուղղությամբ կրակ բացած պաղեստինցուն հաջողվել է փախուստի դիմել: Նրան որոնում են:
Նշենք, որ հարձակման արդյունքում երկու մարդ է զոհվել, վիրավորների վիճակը ծանր է: Պաղեստինյան «ՀԱՄԱՍ» շարժումը ողջունել է հարձակումը:
