Արմեն Գրիգորյանին ՔՊ-ից հեռացնելու հարց չի քննարկվում. Հասմիկ Հակոբյան
Քաղաքականություն
17.11.2026 | 13:15
Անվտանգության խորհրդի նախկին քարտուղար Արմեն Գրիգորյանին «Քաղաքացիական պայմանագիր» կուսակցությունից հեռացնելու հարց այս պահին չի քննարկվում։
Այս մասին ԱԺ-ում լրագրողների հետ զրույցում ասաց պատգամավոր Հասմիկ Հակոբյանը։
Հարցին, թե հնարավո՞ր է արդյոք Գրիգորյանը հեռանա կուսակցությունից կամ հեռացվի, Հակոբյանը պատասխանել է, որ չի կարող ապագայի վերաբերյալ նման երաշխիքներ տալ, սակայն տվյալ պահին այդպիսի քննարկում չկա։
Հիշեցնենք` Անվտանգության խորհրդի նախկին քարտուղար Արմեն Գրիգորյանը նոյեմբերի 11-ին հրապարակած «ԵՄ անդամակցության պատրանքը» հոդվածում Հայաստանի՝ Եվրամիությանն անդամակցելու հեռանկարը գնահատել էր որպես անիրատեսական և մտահոգություն հայտնել, որ այդ ուղղությամբ քայլերը կարող են խորացնել Հայաստանի խոցելիությունը Ռուսաստանի ճնշումների նկատմամբ։
Նարեկ Կիրակոսյան

