Եվրոպայի համար կարևոր է՝ թույլ չտալ Ռուսաստանի ազդեցության ուժեղացումը Հարավային Կովկասում․ Գերմանիայի ԱԳ նախարար

Լուրեր

17.11.2026 | 13:42
Գեղամ Մանուկյանն արձագանքեց Վահագն Ալեքսանյանի՝ Քոչարյանի և Հեյդար Ալիևի մտերմության մասին ռեպլիկին․ ՏԵՍԱՆՅՈՒԹ
17.11.2026 | 13:37
Քոչարյանը միակն է ՀՀ-ում, որ Հեյդար Ալիևից երաշխավորագիր է ստացել. Վահագն Ալեքսանյան․ ՏԵՍԱՆՅՈՒԹ
17.11.2026 | 13:35
Հայ ծանրորդները կմասնակցեն Օլիմպիական վարկանշային մրցաշարի
17.11.2026 | 13:26
Եվրոպայի համար կարևոր է՝ թույլ չտալ Ռուսաստանի ազդեցության ուժեղացումը Հարավային Կովկասում․ Գերմանիայի ԱԳ նախարար
17.11.2026 | 13:19
Էդգար Ղազարյանը Արթուր Սարգսյանի բացակայության վերաբերյալ հարցեր ուղղեց. Ռուբինյանը չպատասխանեց․ ՏԵՍԱՆՅՈՒԹ
17.11.2026 | 13:16
Գևորգ Ստեփանյանի ճեպազրույցը. ՈւՂԻՂ
17.11.2026 | 13:15
Արմեն Գրիգորյանին ՔՊ-ից հեռացնելու հարց չի քննարկվում. Հասմիկ Հակոբյան
17.11.2026 | 13:07
Ռուսաստանը զանգվածային հարված է հասցրել Ուկրաինային․ Կիևում վնասվել է երկու կամուրջ
17.11.2026 | 13:04
«Բոլոր արժեքները պղծած». ԱԺ-ում հարվածում են սեղաններին Գարեգին Բ-ի աշխարհիկ անունը հնչելուց հետո․ ՏԵՍԱՆՅՈՒԹ
17.11.2026 | 12:59
Ենթադրում եմ` տիկին Հակոբյանի ելույթին եք հղում անում. խցանումները կապ չունեն շինթույլտվությունների հետ. Ավինյան․ ՏԵՍԱՆՅՈՒԹ
17.11.2026 | 12:50
Մասիս Մելքոնյանին գաղտնալսելու թույլտվությունը տվել է Ժորա Չիչոյանը
17.11.2026 | 12:42
Հայելու մեջ նայե՛ք, հասկացեք` ինչ տիպի չկաք. փոխքաղաքապետը` ընդդիմությանը․ ՏԵՍԱՆՅՈՒԹ
17.11.2026 | 12:36
Տիգրան Ավինյանի ճեպազրույցը՝ ՈւՂԻՂ
17.11.2026 | 12:34
«Խորոված էիք անում, երբ ժողովրդավարության բարձր ցուցանիշ կար». ընդդիմության առաջարկը մերժվեց․ ՏԵՍԱՆՅՈՒԹ
17.11.2026 | 12:28
Ուկրաինական ԱԹՍ-ների հարվածի հետևանքով Բաշկորտոստանում հրդեհ է բռնկվել «Գազպրոմի» գործարանում
Բոլորը

Գերմանիայի արտաքին գործերի նախարար Յոհան Վադեֆուլը հայտարարել է, որ ցանկանում է նպաստել Եվրոպայի հետ Հայաստանի և Ադրբեջանի կապերի ամրապնդմանը՝ Հարավային Կովկասում Ռուսաստանի ազդեցությունն ուժեղացնելու փորձերի ֆոնին։

«Եվրոպայի շահերից է բխում հակազդել դրան և թույլ չտալ, որ Ռուսաստանն ուժեղացնի իր ազդեցությունը տարածաշրջանում»,- Գերմանիայից մեկնելուց առաջ լրագրողներին ասել է պաշտոնյան, հաղորդում է DW-ի թղթակիցը։

Վադեֆուլը հիշեցրել է, որ Եվրոպան Ուկրաինայի օրինակով տեսնում է, թե ինչի կարող է հանգեցնել Ռուսաստանի ազդեցության ուժեղացումը։ Նախարարի խոսքով՝ անհրաժեշտ է օգտագործել Հայաստանի՝ Եվրոպայի հետ մերձենալու հնարավորությունը՝ ընդլայնելով նրա հետ քաղաքական և բնապահպանական կապերը։ Նա նշել է, որ Հայաստանը երկար ժամանակ տնտեսական և ռազմական կախվածության մեջ է եղել Ռուսաստանից:

Վադեֆուլի այցի մյուս նպատակներից է Հայաստանի և Ադրբեջանի միջև խաղաղության պայմանագրի կնքմանը նպաստելը։ Նրա խոսքով՝ սա այն եզակի հակամարտություններից է, որը խաղաղ կարգավորման հնարավորություն ունի։

«Ես ցանկանում եմ իմ ներդրումն ունենալ, որ երկու երկրների միջև խաղաղության համաձայնագիր կնքվի»,- ասել է Գերմանիայի արտաքին գործերի նախարարը՝ հավելելով, որ երկու կողմերն էլ համաձայն են ընդունել համաձայնագրի տեքստը, որն արդեն հիմնականում պատրաստ է։

Ըստ Վադեֆուլի՝ տասնամյակներ տևած առճակատումից հետո սա կարող է հնարավորություն ընձեռել խաղաղություն հաստատելու եվրոպական տարածաշրջանում, որը բազմիցս պատերազմներ ու մարդկային զոհեր է տեսել։

Գերմանացի նախարարը մտադիր է առանձին ուշադրություն դարձնել նաև Ադրբեջանի հետ տնտեսական կապերի զարգացմանը։ Նա այդ երկիրն անվանել է Գերմանիայի ու եվրոպական մյուս պետությունների կարևոր գործընկերներից մեկը էներգակիրների մատակարարումների դիվերսիֆիկացման հարցում։

«Ադրբեջանից մենք հուսալիորեն գազ և նավթ ենք ստանում։ Սա վերաբերում է Գերմանիային և եվրոպական մյուս երկրներին։ Անհրաժեշտ է կայունացնել այդ մատակարարումները, իսկ Եվրոպան պետք է ընդլայնի էներգակիրների մատակարարների շրջանակը՝ առանձին երկրներից կախվածությունը նվազեցնելու համար»,- նշել է Վադեֆուլը։

Գերմանիայի ԱԳՆ ղեկավարը նաև հայտնել է, որ ադրբեջանական կողմի հետ մտադիր է քննարկել երկրի ներքաղաքական իրավիճակը, այդ թվում՝ մարդու իրավունքների հարցը։ Վադեֆուլը Հարավային Կովկասի ու եվրոպական երկրների միջև ավելի սերտ տնտեսական համագործակցության հեռանկարների զարգացումը համարել է իր այցի գլխավոր նպատակը։

Թարգմանությունը՝ Էմմա  Չոբանյանի