18.12.2025 | 17:43
Եկել եմ Գերագույն հոգևոր խորհրդի նիստին, օրակարգը չգիտեմ. Վահան սրբազան․ ՏԵՍԱՆՅՈՒԹ
Զոհրաբ Մնացականյանը չի մասնակցի Բաքվում անցկացվելիք ՍԾՏՀԿ ԱԳ նախարարների խորհրդի նիստին. խոսնակ
Քաղաքականություն
13.12.2018 | 16:40
ՀՀ ԱԳ նախարարի պաշտոնակատար Զոհրաբ Մնացականյանը չի մասնակցի Ադրբեջանում դեկտեմբերի 14-ին անցկացվելիք Սևծովյան տնտեսական համագործակցության կազմակերպության անդամ երկրների ԱԳ նախարարների խորհրդի նիստին:
«Բաքվում կայանալիք նիստին կմասնակցի Հայաստանի ԱԳՆ բազմակողմ և երկկողմ տնտեսական համագործակցության վարչության պետ Աշոտ Քոչարյանը»,- Factor.am-ի հետ զրույցում ասաց ԱԳՆ խոսնակ Աննա Նաղդալյանը:
Միաժամանակ, ՌԴ ԱԳՆ պաշտոնական ներկայացուցիչ Մարիա Զախարովան լրատվամիջոցներին տեղեկացրել է, որ Բաքու այցելության ընթացքում նախատեսվում է ՌԴ ԱԳ նախարար Սերգեյ Լավրովի հանդիպումն Ադրբեջանի նախագահ Իլհամ Ալիևի և ԱԳ նախարար Էլմար Մամեդյարովի հետ: ՌԻԱ Նովոստիի փոխանցմամբ՝ հանդիպումները նախատեսված են այսօր:
«Կողմերը կքննարկեն երկկողմ փոխգործակցության, տարածաշրջանային և միջազգային օրակարգի առանցքային ասպեկտները»,- ասել է Մարիա Զախարովան:
Նշենք, որ ՍԾՏՀ կազմակերպությանն անդամակցում է 12 երկիր՝ Հայաստանը, Ադրբեջանը, Ալբանիան, Բուլղարիան, Հունաստանը, Վրաստանը, Մոլդովան, Ռուսաստանը, Ռումինիան, Սերբիան, Թուրքիան և Ուկրաինան: Մի շարք պետություններ և միջազգային կառույցներ կազմակերպությունում դիտորդի կարգավիճակ ունեն:
