Քաղաքականություն
10.11.2026 | 13:10
Հայաստանը չի բարձրացրել ԱՊՀ-ից դուրս գալու հնարավորության հարցը՝ ՀԱՊԿ-ում Երևանի աշխատանքի փաստացի դադարեցման ֆոնին։ Այս մասին ՏԱՍՍ-ին հայտնել է ԱՊՀ գլխավոր քարտուղար Սերգեյ Լեբեդևը՝ Հավաքական անվտանգության ապահովման հարցերով միջազգային համաժողովի շրջանակում։
«Ոչ։ Անձամբ վարչապետն է ինձ ասել, ինչպես նաև շատ ուրիշներ, որ նրանք մնում են ԱՊՀ-ում։ Մենք ոչ մի հայտարարություն չենք լսել այն մասին, որ նրանք պատրաստվում են դուրս գալ կազմակերպությունից», -ասել է Լեբեդևը՝ պատասխանելով այն հարցին, թե արդյոք Հայաստանը հայտարարել է ԱՊՀ-ից դուրս գալու ցանկության մասին։
Հիշեցնենք, որ նախօրեին Մոսկվայում ՀՀ անվտանգության խորհրդի քարտուղար Ալեն Սիմոնյանը մասնակցել էր ԱՊՀ մասնակից պետությունների անվտանգության խորհուրդների քարտուղարների 14-րդ հանդիպմանը։
Թարգմանությունը՝ Էմմա Չոբանյանի
