23.04.2026 | 12:48
Սուարեսի ու Դե Պաուլի գեղեցիկ գոլերը հաղթանակ են բերել «Ինտեր Մայամիին»․ ՏԵՍԱՆՅՈՒԹ
Քո ամուսնուն սպանել են ոստիկանները Սերժի ու Վովայի հրամանով. մահացած ոստիկանի հայրն ու կինը տարաձայնություններ ունեն
Հասարակություն
12.12.2018 | 12:40
«Սասնա ծռեր» խմբի գործով դատական նիստին քննարկվեց մահացած ոստիկան Յուրի Տեփանոսյանի իրավահաջորդի ներկայացուցչի հարցը: Նրա հայրն ու կինը դատարանում տարաձայնություն ունեցան: Նախորդ դատական նիստերին եկել էր Յուրի Տեփանոսյանի հայրն ու հայտարարել, որ ինքն է լինելու Յուրի Տեփանոսյանի իրավահաջորդի ներկայացուցիչը: Այսօր դատարանում հարսը հայտարարեց, որ ինքը մամուլից է տեղեկացել սկեսրայրի որոշման մասին, և որ իր հետ նման քննարկում չի եղել:
Նախքան Յուրի Տեփանոսյանի հոր ներկայանալը, նրա իրավահաջորդի ներկայացուցիչ էր կինը` Արփինե Թումասյանը: Ինչպես դատարանում հայտարարեց Վահրամ Տեփանոսյանը իր ու հարսի կոնֆլիկտի պատճառը Տեփանոսյանի սպանության հեղինակներն են: Հոր պնդմամբ` իր որդուն սպանել են ոստիկանները. «Ես հարսիս ասացի` քո ամուսնուն սպանել են ոստիկանները, Սերժիկի ու Վովայի հրամանով: Ինքն էլ պնդում էր, որ ոչ, սպանել են «Սասնա ծռերը»: Վիճեցինք ու իրար հետ էլ չենք խոսում: Այդ օրվանից ես թոռներիս էլի տիրություն եմ անում, բայց իրար հետ չենք խոսում: Հարգելի դատարան, ես իմ կեսին եմ կորցրել` իմ որդուն ու մինչև վերջ գնալու եմ, որ գործը բացահայտվի»:
Հիշեցնենք, որ Յուրի Տեփանոսյանի սպանությունը մեղսագրվում է «Սասնա ծռեր» խմբի անդամ Սմբատ Բարսեղյանին, վերջինս իրեն առաջադրված մեղադրանքները չի ընդունում: Դատարանը հեռացավ խորհրդակցական դահլիճ որոշում կայացնելու:
