09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Աննախադեպ ակտիվություն Սյունիքում, հետնապահը Էջմիածինն է
Քաղաքականություն
09.12.2018 | 18:38
Ներկայացնում ենք 10 000 և ավելի ընտրող ունեցող մարզկենտրոններում և համայնքներում քվեարկության մասնակցության ցուցանիշը՝ ժամը 17:00-ի դրությամբ։ Եվ այսպես, Երևան քաղաքում 17:00-ի դրությամբ Ազգային ժողովի ընտրություններին մասնակցել է 323 323 քաղաքացի կամ ընտրողների 38.04%-ը։
Հանրապետության երկրորդ քաղաք Գյումրիում քվեարկել է 38 945 անձ՝ 31.29%: Վանաձորում 37 265 ընտրող է քվեարկել կամ քվեարկելու իրավունք ունեցողների 38.68%֊ը։ Կապանը 4-րդ քաղաքն է ընտրողների թվով՝ 18 487 անձ կամ 47.44%: Սյունիքի մարզի մեկ այլ քաղաք՝ Գորիսն է ակտիվությամբ աչքի ընկել, քվեարկել է 10 840 քաղաքացի կամ 46.60%:
Ժամը 17:00-ի դրությամբ ամենաակտիվը եղել է Ապարան քաղաքը, քվեարկությանը մասնակցել է 8675 անձ՝ 48.14%: Մեծ համայնքներից ամենից պասիվ քվեարկել են Էջմիածնում՝ 14 138 անձ կամ քվեարկելու իրավունք ունեցողների 30.78%-ը։
