26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Արեշի 10/17 տեղամասում հրմշտոց է եղել. ըստ հանձնաժողովի նախագահի՝ ընտրողներից մեկը մյուսներին ուղղորդել է. ԼՈՒՍԱՆԿԱՐՆԵՐ
09.12.2018 | 16:28
10/17 ընտրատեղամասում տարօրինակ իրավիճակ է: Այն գտնվում է Էրեբունի վարչական շրջանում և տեղակայված է թիվ 16 դպրոցում:
Հանձնաժողովի նախագահը գրեթե տեղում չէ: Նա ոստիկանների հետ ինչ-որ հարցեր է կարգավորում: Դրսում կուտակված մեքենաներ կան, իսկ հանձնաժողովի անդամներից մեկը կանգնել է քվեախցիկների մոտ և ընտրողներին կարգադրություններ է տալիս:
Այնուհետ տեղեկացանք, որ մեր ընտրատեղամասում լինելուց մոտ 20 րոպե առաջ միջադեպ է տեղի ունեցել, քաղաքացիներն սկսել էին միմյանց հրմշտել:
10/17 հանձնաժողովի նախագահ Անահիտ Սահակյանը մեզ հետ զրույցում իր բացակայությունները հետևյալ կերպ մեկնաբանեց. «Ոստիկանների հետ խնդիր չկա: Քաղաքացիների հետ կապված բան էր եղել, մարդիկ իրար հրմշտել էին: Մի քիչ շատ էին եկել՝ դա էր պատճառը»:
Անդրադառնալով մեր այն դիտարկմանը, որ հանձնաժողովի անդամներից մեկը քաղաքացիներին կարգադրություններ է տալիս, Անահիտ Սահակյանն ասաց. «Կարգադրություններ չեն անում, ընտրողները մեկը մյուսին ասում են՝ սենց ընտրեք, մենք էլ ասում ենք դուք մտեք քվեախցիկ և ձեր ընտրությունը կատարեք»:
Նշենք, որ այս ընտրատեղամասում կա 1989 ընտրող: Ժամը 16:00-ի դրությամբ 682 քաղաքացի կատարել է իր ընտրությունը:
