23.04.2026 | 21:33
Ծանրամարտի ԵԱ. Աննա Ամրոյանը փոքր ոսկե մեդալ նվաճեց ռեկորդով
Այս անգամ տաքսի ծառայություններ տեղամասերում չկային, մարդիկ ինքնուրույն էին գալիս. Բագրատ Ասատրյան. ՏԵՍԱՆՅՈՒԹ
Քաղաքականություն
09.12.2018 | 15:23
Factor.am-ի հարցազրույցը տնտեսագետ Բագրատ Ասատրյանի հետ:
– Պարոն Ասատրյան, արդեն մասնակցե՞լ եք քվեարկությանը և ի՞նչ ակնկալիքով եք մասնակցել:
-Այո՛, արդեն մասնակցել եմ: Եկել եմ լավ տրամադրությամբ, շատ վաղուց նման բան չէր եղել: Սովորաբար գալիս էի զայրացած, նյարդահան եղած, որովհետև ականատես էի լինում տեսարանների, լկտիությունների: Գալիս էին տաքսի ծառայությունները՝ «Միլենա», «Z», ինչպես նաև երթուղայինները: Միշտ դիմում էի ոստիկաններին, որ ընտրախախտում է տեղիկ ունենում, ընտրակաշառք են բաժանում: Այս անգամ մարդիկ ինքնուրույն էին գալիս: Կար ազատ, խաղաղ մթնոլորտ: Սա կարևոր էր: Գիտեք՝ Հայաստանում մի սերունդ ձևավորվեց, որը չգիտեր՝ ինչ է ազատ, օրինական ընտրությունը: Այսօր դա տեղի է ունենում:
– Ժողովուրդը հե՞շտ ընկալեց այն իրողությունը, որ պետք է ոչ թե թելադրելով, ծանոթ-բարեկամի, թաղային հեղինակությունների ազդեցության արդյունքում ընտրի, այլ ընտրի նրան, ում ինքն է ուզում:
– Գիտեք՝ նախկինում էլ եմ տեսել, որ ամոթխած հայացքները փախցնում էին: Ամեն դեպքում՝ մարդիկ մարդ են մնում, և յուրաքանչյուրի մեջ կա քաղաքացի, որն ունի իր ցանկությունները, իր ապագայի, ընտանիքի մասին ձգտումները: Եվ, իհարկե, դրա դրսևորման եղանակներից մեկն օրինական իշխանության ձևավորումն է, որը վաղը, մյուս օրը պատասխան կտա: Ամենակարևորն այդ պատասխանատվությունն է:
Հարցազրույցի մանրամասները՝ տեսանյութում
Արմինե Ավետյան
