24.09.2026 | 22:43
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
Հայաստանի և Իրաքի ԱԳ նախարարները պայմանավորվել են խթանել հայկական ապրանքների արտահանումը Իրաք
Քաղաքականություն
24.09.2026 | 20:53
Հայաստանի և Իրաքի ԱԳ նախարարներ Արարատ Միրզոյանը և Ֆուադ Հուսեյնը Նյու Յորքում քննարկել են տարածաշրջանային զարգացումները և երկկողմ տնտեսական կապերը՝ պայմանավորվելով շարունակել խթանել հայկական ապրանքների, այդ թվում՝ գյուղատնտեսական արտադրանքի արտահանումը Իրաք։ Այս մասին տեղեկացնում են նախարարությունից:
«Զրուցակիցները մտքեր են փոխանակել Հարավային Կովկասում և Մերձավոր Արևելքում զարգացումների շուրջ: Ընդգծվել է խաղաղության և վերջինիս առկայության պայմաններում միջտարածաշրջանային փոխկապակցվածության զարգացման միջոցով ընձեռնվող հնարավորությունների առավելագույնս իրացման կարևորությունը:
Գոհունակությամբ նշվել է Հայաստանի և Իրաքի միջև առևտրաշրջանառության աճող դինամիկան: Պայմանավորվածություն է ձեռք բերվել շարունակել խթանել հայկական ապրանքների արտահանումն Իրաք, այդ թվում՝ գյուղատնտեսական ապրանքների մասով:
Հայաստանի և Իրաքի նախարարները կարևորել են նաև բազմակողմ հարթակներում օրակարգային հարցերի շուրջ փոխգործակցությունը»,- ասվում է հաղորդագրությունում:
