24.09.2026 | 21:20
Մայր Աթոռն արձագանքեց․ ինչպես են մեկնաբանում Փաշինյանի պատվիրած զեկույցը տարբեր կողմերը. ՏԵՍԱՆՅՈՒԹ
Համաշխարհային օլիմպիադա. Կանանց Հայաստանի հավաքականը հաղթեց ԱՄՆ-ին
24.09.2026 | 19:41
Ուզբեկստանի Սամարղանդ քաղաքում անցկացվող շախմատի 46-րդ Համաշխարհային օլիմպիադայի 8-րդ տուրում կանանց Հայաստանի հավաքականը 2.5:1.5 հաշվով պարտության մատնեց ԱՄՆ-ի թիմին։
Հայաստանի հավաքականին հաղթանակ պարգևեց գրոսմայստեր Էլինա Դանիելյանը, որը սպիտակ խաղաքարերով առավելության հասավ Իրինա Կրուշի նկատմամբ։
Լիլիթ Մկրտչյանը, Մարիամ Մկրտչյանը և Սուսաննա Գաբոյանը ոչ-ոքի ավարտեցին իրենց պարտիաները։ Սուսաննա Գաբոյանը խաղում էր Տաթև Աբրահամյանի հետ։
8 տուրերում կանանց Հայաստանի հավաքականը տարել է 7 հաղթանակ, կրել 1 պարտություն և 14 թիմային միավորով 2-4-րդ տեղերն է բաժանում Ղազախստանի ու Մոնղոլիայի հետ։ Առաջատար Չինաստանն ունի 15 միավոր։
Համաշխարհային օլիմպիադան կավարտվի սեպտեմբերի 27-ին: Կանցկացվի 11 տուր:
Դավիթ Եղիազարյան
