24.09.2026 | 12:21
ՌԴ-ն զանգվածային հարված է հասցրել Կիևին և Օդեսայի մարզին․ 2 մարդ զոհվել է, ևս 10-ը՝ վիրավորվել
Էրդողանը Փաշինյանին հրավիրել է Թուրքիայում կայանալիք COP31-ի առաջնորդների գագաթնաժողովին
Քաղաքականություն
24.09.2026 | 10:32
ՄԱԿ-ի Գլխավոր վեհաժողովի 81-րդ նստաշրջանի շրջանակում ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի՝ «Թուրքական տանը» կայացած հանդիպման վերաբերյալ հաղորդագրություն է տարածել թուրքական կողմը։ Թուրքիայի նախագահականի հաղորդակցության վարչության հաղորդագրության համաձայն՝ հանդիպմանը քննարկվել են Թուրքիայի և Հայաստանի միջև շփումները, ինչպես նաև տարածաշրջանային և գլոբալ հարցեր։
Նշելով, որ Թուրքիան աջակցում է Հայաստանի հետ հարաբերությունների կարգավորման գործընթացին՝ երկկողմ առևտրի և տրանսպորտի ոլորտներում, Էրդողանն ընդգծել է երկկողմ հարաբերություններում դրական դինամիկան պահպանելու կարևորությունը։ Նա նաև գոհունակություն է հայտնել Ադրբեջանի և Հայաստանի՝ խաղաղության գործընթացի շրջանակում միմյանց ուղղությամբ ձեռնարկած փոխադարձ քայլերի առնչությամբ, ասվում է հաղորդագրությունում։
Էրդողանը նշել է, որ միջազգային կազմակերպություններում Հայաստանի հետ աճող համագործակցությունը նպաստում է կարգավորման գործընթացին, և Նիկոլ Փաշինյանին հրավիրել է Թուրքիայում կայանալիք COP31 առաջնորդների գագաթնաժողովին։
COP31 ՄԱԿ-ի՝ կլիմայի փոփոխության հարցերով համաժողովն անցկացվելու է 2026 թվականի նոյեմբերի 9-20-ը Թուրքիայի Անթալիա քաղաքում։
Թարգմանությունը՝ Էմմա Չոբանյանի
