24.09.2026 | 13:45
ԵՄ-Հայաստան գործընկերությունն արագորեն առաջ է շարժվում և ավելի ամուր է, քան երբևէ․ ԵՀ նախագահ
Համաշխարհային օլիմպիադա. Լևոն Արոնյանը չի խաղա Հայաստանի հավաքականի դեմ
23.09.2026 | 10:00
Ուզբեկստանի Սամարղանդ քաղաքում անցկացվող շախմատի 46-րդ Համաշխարհային օլիմպիադայում հանգստյան օրվանից հետո սեպտեմբերի 23-ին կկայանան 7-րդ տուրի պարտիաները:
Հայաստանի հավաքականը կմրցի ԱՄՆ-ի թիմի հետ, որի կազմում հանդես է գալիս Լևոն Արոնյանը: Հայ գրոսմայստերը չի մասնակցի իր նախկին թիմի դեմ մրցամարտին:
Հայաստանի հավաքականի կազմում հանդես կգան Հայկ Մարտիրոսյանը, Ռոբերտ Հովհաննիսյանը, Շանթ Սարգսյանը և Գաբրիել Սարգսյանը: Ամերիկացիների քառյակն է՝ Ֆաբիանո Կարուանա, Ուեսլի Սոն, Հանս Նիման, Էվոնդեր Լյան:
Հայաստանի հավաքականը նախորդ 6 տուրերում տարել է 5 հաղթանակ, գրանցել 1 ոչ-ոքի ու 11 միավորով 2-3-րդ տեղերն է բաժանում Չինաստանի հավաքականի հետ: Առաջատարն Ուզբեկստանի հավաքականն է, որը հաղթել է բոլոր տուրերում և ունի 12 միավոր: ԱՄՆ-ի հավաքականը հավաքել է 10 միավոր:
Կանանց Հայաստանի հավաքականի մրցակիցն Ադրբեջանի թիմն է: Պարտիաներ կանցկացնեն Լիլիթ Մկրտչյանը, Մարիամ Մկրտչյանը, Էլինա Դանիելյանը և Սուսաննա Գաբոյանը:
Կանանց Հայաստանի հավաքականը նախորդ տուրերում տարել է 5 հաղթանակ, կրել 1 պարտություն ու 10 միավորով բաժանում է 3-13-րդ տեղերը:
Համաշխարհային օլիմպիադան կավարտվի սեպտեմբերի 27-ին: Կանցկացվի 11 տուր:
Դավիթ Եղիազարյան
