Քաղաքացիական արիության մասին է խոսքը, մի դատավորն ուներ, մյուսը` ոչ. Ռուբեն Սահակյան. ՏԵՍԱՆՅՈՒԹ

Ռոբերտ Քոչարյանի պաշտպանները կարծում են, որ երկրորդ նախագահի նկատմամբ կալանքի որոշում է կայացվել ճնշումների արդյունքում։ Հարցին՝ եթե քաղաքական ճնշումներ են գործադրվել, ինչո՞ւ Քոչարյանին օգոստոսի 13-ին Վերաքննիչ դատարանը ազատեց, փաստաբան Հայկ Ալումյանը պատասխանեց․ «Վերաքննիչ դատարանն այդ օրը ազատ արձակեց, որովհետև կարողացավ դիմակայել էդ պահին գոյություն ունեցող ճնշումներին, որից հետո այդ ճնշումները սաստկացան։ Դուք հիշում եք, թե օգոստոսի 17-ին ինչ էր ասում վարչապետը Հանրապետության հրապարակում, բացահայտ սպառնալիքներ էին հնչում դատավորների հասցեին։ Բոլորի համար պարզ էր, որ այդ սպառնալիքների թիրախը Քոչարյանին կալանքից ազատած դատավորն է։ Դրանից բացի՝ սպառնալիքներ ու հայհոյանքներ համացանցում»։

Փաստաբանի խոսքով՝ այսօր Վերաքննիչ քրեական դատարանի որոշումն իր մեջ իրավաբանական որևէ բաղադրիչ չի պարունակում․ «Ինքն ամբողջությամբ հիմնված է սպառնալիքների վրա։ Այսինքն՝ էդ որոշման հիմքում ամբողջությամբ սպառնաիքներ են»։

Հայկ Ալումյանի կարծիքով՝ կալանքի գործը հանձնարարվել է սպառնալիքներից խոցելի դատավորներից մեկն է։

Նշենք, որ նիստը նախագահել է դատավոր Ռուբեն Մխիթարյանը։ Քոչարյանի պաշտպաններից Ռուբեն Սահյակայնը ևս պատասխանեց նույն հարցին՝ եթե քաղաքական ճնշումներ են գործադրվել, ինչո՞ւ Քոչարյանին օգոստոսի 13-ին Վերաքննիչ դատարանը ազատեց:

«Չհամեմատեք դատավոր Ալեքսանդր Ազարյանին դատավոր Հրաչիկ-Վաչիկի հետ։ Եթե առիթը գա, մենք կարող ենք բացահայտել՝ ով է Հրաչիկը, ով՝ Վաչիկը»,- ասաց Ռուբեն Սահակյանը։