Ընկերությունը զրկվել է ՊԵԿ-ի 860 միլիոնանոց մրցույթից՝ չնախատեսված պահանջի պատճառով․ իրավաբան․ ՏԵՍԱՆՅՈՒԹ

Պետական գնումների համակարգը միայն ապրանքների կամ ծառայությունների ձեռքբերում չէ, այլ պետական բյուջեի միջոցների արդյունավետ տնօրինման, թափանցիկության և ազնիվ մրցակցության ապահովման կարևոր մեխանիզմ։ Գնումների ոլորտի մասնագետ, իրավաբան Արթուր Պարանյանի հետ հարցազրույցում անդրադարձել ենք ոլորտում առկա խնդիրներին։

Ըստ Արթուր Պարանյանի՝ գնումների ոլորտի խնդիրները կապված են ոչ թե օրենսդրական բացերի, այլ առկա կարգավորումների ոչ ճիշտ կիրառման հետ։ Գլխավոր պատասխանատվությունը կրում է գնահատող հանձնաժողովը, որից պահանջվում է բարձր պրոֆեսիոնալիզմ՝ մրցույթի հրավերի պահանջներին հայտերի համապատասխանությունը ճիշտ արձանագրելու համար։ Պարանյանը սեփական փորձից ներկայացրել է Պետական եկամուտների կոմիտեի կողմից վերջերս իրականացված ՏՏ ոլորտի 860 միլիոն դրամ նախահաշվային արժեքով բաց մրցույթին։ Մրցույթին մասնակցել է երկու ընկերություն, որոնցից մեկը ներկայացրել է նախահաշվային գնից ցածր առաջարկ՝ ապահովելով խնայողություն, իսկ մյուսը՝ նախահաշվային գնից 80-100 միլիոն դրամով բարձր գին։

«ARMEPS» էլեկտրոնային համակարգում բարձր գին առաջարկած մասնակցի հայտի փաթեթը երկու ամիս շարունակ չի բացվել, իսկ հանձնաժողովը պարբերաբար կասեցրել է նիստերը։ Գնման ընթացակարգում շահագրգիռ ու փոխկապակցված անձանց առկայության և գործողությունների իրավաչափության հարցով դիմում է ներկայացվել Պետական վերահսկողական ծառայությանը (ՊՎԾ), որն ընթացք է տվել դիմումին։

Մանրամասները՝ տեսանյութում

Արաքս Մամուլյան