08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Դուք պետք է չլինեք ԿԸՀ նախագահ, վառ արտահայտում եք հավասարակշռության բացակայությունը․ Կարապետյան․ ՏԵՍԱՆՅՈՒԹ
Քաղաքականություն
17.09.2026 | 16:39
«Ուժեղ Հայաստան» խմբակցության ղեկավար Նարեկ Կարապետյանը դիմելով ԿԸՀ նախագահ Վահագն Հովակիմյանին, հարցրեց՝ արդյոք խորհրդարանի դահլիճում ուժերի անհամաչափություն չի տեսնում։
«Չե՞ք տեսնում՝ այս դահլիճում ինչ-որ բան է պակասում՝ թվաքանակ մարդկանց, համաչափություն։ Չե՞ք նկատում որևէ անհամաչափություն այս դահլիճում։ Կարո՞ղ է մի հատ խմբակցություն պետք է ավել լիներ այստեղ, ու Ձեր թուլակաՄ որոշման արդյունքում չեղավ»,- ասաց Կարապետյանը։
Հովակիմյանը հակադարձեց՝ նշելով, որ ընդդիմադիր պատգամավորի ձևակերպումներն անհարիր են և անպարկեշտ, միաժամանակ ընդգծելով, որ ինքը, կաշկանդված լինելով քաղաքական զսպվածության կանոններով, չի պատասխանում նույն ոճով։
Ըստ ԿԸՀ նախագահի՝ անձի բարեվարքությունը նրա անցյալով կամ նախկին կուսակցական պատկանելությամբ պայմանավորելը հակաժողովրդավարական է։
«Երբ դուք մարդու կուսակցական լինելը որպես խարան եք մատուցում, դրանով երիտասարդներին հորդորում եք չզբաղվել քաղաքականությամբ, քանի որ հետագայում դա նրանց համար դառնալու է պիտակ»,- ասաց Հովակիմյանը՝ պնդելով, որ իր գործունեության ընթացքում երբեք որևէ ապօրինություն թույլ չի տվել։
Մանրամասները՝ տեսանյութում։
Անի Թամրազյան
